Pola sanidade pública

O conselleiro de Sanidade defende, na súa calidade de dirixente do PP, que "é difícil poñer iniciativas en marcha para resolver problemas" sanitarios e "topar co voto en contra" da actual oposición, á que os populares acusan de "teledirixir" as protestas de SOS Sanidade Pública. Mentres, outra concorrida protesta, desta volta en Poio, reclama máis recursos para a Atención Primaria

A falta de planificación no Servizo Galego de Saúde cun cadro de persoal avellentado que limita o acceso a titores dos residentes de Medicina Familiar e Comunitaria, sumada á experiencia dos centros de saúde sobrecargados, dificultan que os futuros médicos e médicas escollan esta especialidade

Esta fórmula de duplo traballo volveu á actualidade tras a xuntanza do presidente da Xunta e do conselleiro de Sanidade co Consello de Colexios Médicos, na que o Goberno se comprometeu a "flexibilizar" os requisitos para obtela. Tras o encontro, a entidade colexial manifesta un "profundo malestar" con Comesaña, ínstao a asumir as súas "responsabilidades" con "valentía e solvencia" e rexeita que lle atribúan posibles peches de centros de saúde

Na véspera doutra xornada de mobilizacións de SOS Sanidade Pública, o Sergas comprométese a "flexibilizar" as incompatibilidades para facultativos que traballan na pública e na privada e comprométese a estudar a "reestruturación territorial da Atención Primaria", a cal reitera que é unha proposta do Consello Galego de Colexios Médicos, a cuxa directiva recibiu en San Caetano

O máximo órgano representativo dos facultativos da provincia pontevedresa fai responsable a García Comesaña da situación "de gravísimo deterioro" na que se atopa a Atención Primaria e reclama un maior investimento e mellores condicións laborais para os profesionais

SOS Sanidade Pública acusa o Sergas de ser "incapaz" de "planificar e xestionar" a atención primaria e prepara unha gran mobilización para o mes de febreiro de 2023. Mentres, o 30 de novembro convoca concentracións en toda Galicia para apoiar as medidas que levarán ao Parlamento

Pontón (BNG) esixe "rectificar o despropósito", que ve produto de "trece anos de política de recortes" e lembra a súa proposta de inxectar 200 millóns extra en Atención Primaria. Formoso (PSdeG) censura que Rueda e Comesaña volvan poñer o foco na falta de prazas MIR, que "o Goberno de Pedro Sánchez aumentou un 30%": "Os profesionais marchan ao acabar a formación polas condicións laborais"

"Reto a que se diga quen dixo que non ía haber médicos no PAC", di o conselleiro de Sanidade, que encadra a formación do persoal de enfermaría na área de Pontevedra nun contexto "rutineiro" e atribúe a controversia ao "interese" de "algúns" por "contaxiar" a Galicia o conflito sanitario de Madrid

Este sábado e domingo serán convocados ao Hospital Clínico de Santiago 3.293 nenos e nenas entre 5 e 59 meses, buscando aumentar a cobertura entre a poboación infantil, que se sitúa moi lonxe da dos maiores de 65 anos, cun 72% de persoas vacinadas.

Un de cada 56 nenos e nenas recentemente nados sans que se infecta co sincitial acaba ingresando no hospital. Así o conclúe o estudo internacional de máis de 9.000 bebés durante o seu primeiro ano de vida no que participa o Hospital Clínico de Santiago

O Sergas indica que inxectou 25 millóns en atención hospitalaria e 3 na primaria en setembro pola "variabilidade da actividade asistencial asociada ás circunstancias estacionais" e por contratos para substitucións. O Consello de Contas vén reprochando "de forma recorrente" a Sanidade que comece cada ano con orzamentos que sabe que non vai cubrir todo o que vai ter que gastar, tendo que recorrer a fórmulas extraordinarias para "gastos que teñen carácter previsible"

Dos centros de saúde aos hospitais, pasando polos PAC, as consultas de Pediatría están desbordadas coa volta da temporada de virus respiratorios que comezou en outubro. Unha "novidade" desde a pandemia da COVID-19, pois explican que os virus respiratorios que afectan ás crianzas volven circular con maior intensidade, é o caso da gripe A e do virus sincitial respiratorio