Os grupos da oposición organizan conxuntamente comparecencias alternativas de persoas e colectivos vetados polo PP na comisión de investigación sobre a sanidade pública. O voceiro da familia do falecido no PAC da Estrada sen atención médica inaugurará estas sesións.
O Consello Galego advirte de "serios problemas" tamén nos hospitais, que poden acabar en "conflitos semellantes" aos da Atención Primaria, onde lembran que levan anos reclamando mudanzas para "reverter a situación" de "sobrecarga", escaso financiamento ou mala xestión
O colectivo presenta a súa renuncia cunha dura carta onde denuncia unha situación "insostible" con "sobrecarga asistencial", listas de espera "inaceptables" ou "condicións de traballo deplorables" para os máis novos e advirten dos "recortes" que afectan o sistema sanitario desde 2012.
A AGAMFEC (Asociación Galega de Medicina Familiar e Comunitaria) sinala que o gran problema é "a falta de financiamento" e di que "a lamentable situación dos PAC e da pediatría son unha mostra máis da falta de planificación da organización sanitaria". "Non estamos en tempos de comisións, estamos en tempo de decisións", conclúen.
O persoal considera insuficiente a oferta de reforzo de persoal que ofrece a xerencia, que propón habiliar un espazo máis pero que só se abriría en caso de necesidade e para o que se contrataría persoal a maiores. Os médicos propoñen abrir outra negociación directamente con Sanidade.
O Goberno galego substitúe o xerente e dous dos tres directores de área da fundación encargada das urxencias sanitarias, investigada pola adxudicación das súas ambulancias e con conflitos laborais desde hai meses. Mentres, o Tribunal Superior anula os servizos mínimos do 100% impostos durante a folga do persoal de atención telefónica do propio 061
Profesionais dos vehículos sanitarios, do Clínico de Santiago e dos puntos de atención continuada manteñen e recrúan as mobilizacións contra os recortes e a precariedade mentres o PP queda só na comisión de investigación sobre a situación sanitaria en Galicia tras vetar varias comparecencias
Antonio Álvarez é o cuarto membro da dirección do Clínico de Santiago que abandona o cargo nos últimos meses. O Sergas atribúe a súa marcha a "motivos persoais" pero o persoal vincúlao ás problemáticas da área sanitaria e á xestión da xerente, Eloína Nüñez.
Manuel Pereira, curmán de José Manuel Brey: "Estou moi agradecido aos grupos da oposición por iren da man nun caso tan grave coma este". Os populares deron en escoller 20 nomes de entre todas as comparecencias propostas por En Marea, PSdeG e BNG e despois, só 13; en ambos casos excluíu a representación da familia do doente falecido sen atención médica
Cunha mobilización do persoal sanitario e a dimisión do coordinador das Urxencias comezou un paro indefinido no Clínico de Santiago para a que a Xunta decretou un 100% de servizos mínimos. "Ninguén pode exercer o seu dereito á folga, pero tamén é o recoñecemento de que se precisan máis traballadores", explica a comisión de centro