Dende hai semanas movementos veciñais de toda Galicia que loitan para frear a instalación de grandes parques eólicos traballan conxuntamente baixo o nome de 'Aldeas Libres de Macroeólicos'. Falamos con Aranza González, da plataforma Aire Limpo nas Mariñas Terra do Mandeo.
O imposto que, tras tombar o anterior plan eólico, a Xunta comezou a cobrar en 2010 polas “afeccións visuais e ambientais” supón unha media anual de 5.500 euros por aeroxerador e prima a repotenciación, pero non ten en conta a proliferación territorial
Tras manifestar o seu "compromiso" coa comarca e cualificar como "drama" a posibilidade dun peche para xustificar o seu encaixe urbanístico en Viveiro, Vestas anunciou por sorpresa que prevé pechar antes de fin de ano aínda que a factoría "é rendible", subliña o comité de empresa
O presidente da patronal eólica galega asegura que a criticada "avalancha" de muíños non é tal, advirte da paralización na construción de parques e pon deberes ás administracións. "En Galicia hai presentados proxectos eólicos por 15.000 MW , pero o sector pide 500 MW ao ano", mantén
O anunciado peche de Vestas en Viveiro únese ao de hai meses de Gamesa nas Somozas, dúas empresas que deixan Galicia ao tempo que invisten en Portugal. Eume, Ortegal, Ferrolterra e A Mariña engaden estes despedimentos á incerteza por Alcoa e á clausura da central de Endesa.
A multinacional danesa, que hai apenas dous anos proclamaba o seu "compromiso con Galicia" tras celebrar o seu vixésimo aniversario en Viveiro, alega razóns de "competitividade" e de integración dos seus negocios de eólica terrestre e mariña para pechar a factoría mariñá, onde traballan máis de cen persoas. O peche chegará menos dun ano despois da fin da fabricación de pas eólicas na factoría de Siemens-Gamesa nas Somozas
Falamos con Xavier Simón, director do Observatorio Eólico de Galicia, que leva anos pedindo non repetir os mesmos erros cometidos no novo desenvolvemento eólico, pero que advirte que "estamos cometendo erros aínda máis graves" e que "as comunidade rurais están máis indefensas ante o desenvolvemento eólico que hai 20 anos"
500 persoas, entre elas representantes de 20 asociacións de distintos puntos de Galicia, participaron este domingo nunha marcha que rematou no Mosteiro de Caaveiro. Debateron mobilizacións conxuntos e aprobaron o uso dunha bandeirola unificada baixo o lema de “Aldeas Libres de Macroeólicos”
A Comisión de Peticións da Eurocámara mantén aberta a denuncia presentada pola Asociación ambiental e cultural Petón do Lobo sobre a instalación prevista no Monte das Salgueiras, a carón dunha zona protexida da Rede Natura e que afecta aos concellos de Ponteceso, Cabana de Bergantiños e Malpica.
A SGO alerta da "ameaza" que os parques eólicos supoñen para esas zonas e as súas áreas adxacentes e o resto do corredor, "unha vía de paso migratorio que utilizan centos de miles de aves mariñas, e un número aínda maior de aves acuáticas e terrestres"
Veciñanza de numerosas localidades organízase creando asociacións para intentar deter polémicos proxectos eólicos por todo o territorio galego.
O cura de Xestoso oficia unha cerimonia relixiosa na que pide axuda divina contra a proliferación de megaparques eólicos, que provocou a creación de máis de 30 plataformas veciñais contra o modelo eólico en Galicia.