David Lombao

A Audiencia de Barcelona tomba a prohibición acordada por un xulgado contra un cidadán cuxa asistencia a protestas foi vetada tras os incidentes de Can Vies. A prohibición "carece de soporte legal" e, aínda que a lei o prevese, "tería severos problemas de encaixe constitucional"

O actual presidente da Xunta propuxo en 2007 que o Estatuto de Autonomía impedise modificar a Lei de Eleccións sen o apoio de, cando menos, dous terzos do Parlamento. Antes, en 2006, instaba o bipartito a non executar un cambio nas normas electorais se non o apoiaba a "unanimidade" dos grupos.

A cooperativa NUMAX, impulsada por profesionais do audiovisual, lánzase á procura de avalistas para poñer en marcha, a comezos de 2015, unha sala de cinema e un espazo creativo en Santiago.

Galicia é a autonomía na que máis descenderon as inscricións nas oficinas de emprego durante o mes de agosto, se ben nos contratos asinados preponderan a temporalidade e o sector servizos. A Xunta enmarca as cifras na recuperación económica e os sindicatos alertan da precariedade laboral.

Pilar de Lara encarga un informe para determinar se as imaxes do presidente da Xunta co narcotraficante proceden dunha investigación xudicial. Faino tras interrogar o irmán de Paula Prado, quen asegurou, segundo as gravacións da investigación, que coñecía as imaxes un ano antes de seren publicadas.

O Relator Especial da ONU que visitou o Estado Español a comezos de ano para avaliar o xeito en que se aborda a memoria histórica presentará o vindeiro día 10 un crítico informe coas autoridades. Pablo de Greiff lamenta os obstáculos da Lei de Amnistía e a prevalencia da lectura franquista sobre o acontecido e, ao tempo, eloxia iniciativas como o proxecto galego Nomes e Voces.

Un informe da Rede de Mulleres contra o Maltrato de Vigo destaca a diferenza de tratamento mediático entre as novas sobre violencia machista e aquelas nas que unha muller agrede outra persoa. O colectivo apela aos códigos deontolóxicos e chama a desterrar prácticas como destacar a inexistencia de denuncias previas ou a suposta "xentileza" dos agresores. Galería de exemplos no interior

Feijóo defende con vehemencia ante Rajoy o plan para ilegalizar os gobernos locais de coalición. O presidente do Goberno de España eloxia á "maioría silenciosa" ante os seus recortes na "apertura do curso político", que o dirixente conservador volve situar en "Sotomayor".

As empresas editoras agardan que no curso 2014/2015 os prezos dos manuais escolares suban un 0,8%. A Consellería de Educación négase a retornar ao modelo de préstamo, como recomenda a Defensora del Pueblo, pero insta a "estender" os bancos de libros das ANPAS, creados para paliar os recortes.

A poboación activa galega vén reducíndose sistematicamente dende hai dous anos e, entre o primeiro e o segundo trimestre de 2014, unhas 4.000 persoas que deixaron de figurar como desempregadas non se sumaron ao rexistro de ocupación. Entre a poboación menor de 25 anos as cifras de ocupación e paro son practicamente idénticas.

Feijóo disponse a recortar o Parlamento en solitario vinte anos despois de que Fraga limitase unilateralmente a entrada de forzas minoritarias. As guías internacionais de boas prácticas electorais recomendan que as leis de eleccións estean apoiadas pola oposición e non muden menos dun ano antes dos comicios.

Un estudo da unidade de Psicoloxía Preventiva da UCM con adolescentes de todo o Estado advirte da importancia das idades temperás para erradicar as agresións de xénero. Mozos e mozas aínda están excesivamente expostos a "consellos" prexudiciais, como os que identifican os ciumes co amor.