David Lombao

O secretario xeral dos socialistas fai do seu informe de xestión ante o Congreso Nacional un adianto do discurso co que pedirá o voto para seguir á fronte dun partido que ve como o "corazón" da "irmandade da esquerda galeguista". Enfronte, os partidarios de Elena Espinosa amosan confianza na vitoria. 

A xuíza San José reclamou en xuño de 2011 a detención do ex deputado do PP ao ter "múltiples indicios" da súa presunta implicación na comisión de delitos de "prevaricación, tráfico de influencias e suborno", ao influír en cargos do Igape para, supostamente a cambio de cartos, lograr axudas para Nupel

O colectivo encabezado por Xoán Bascuas, que defenderá este domingo a proposta de resolución para que Máis Galiza deixe o Bloque, apoia a súa decisión en que a formación frontista "escolleu o esquerdismo e o soberanismo"

Os avogados do ex conselleiro de Industria pedirán ante o xulgado que instrúe o caso 'Campeón' o arquivo da súa imputación e subliñan que as acusacións contra o nacionalista se basean só nas declaracións do presunto líder da trama, xa que non hai "ningunha proba" no sumario contra el

O presidente da Xunta reclama "explicacións" ás forzas políticas que, di, "non tomaron" as "decisións contundentes" que, afirma, si asumiu a Xunta mesmo "antes de coñecer o sumario" do caso 'Campeón'

O ex deputado Pablo Cobián organizou, segundo a investigación do caso Campeón, unha xuntanza en San Caetano con Carlos Monjero, propietario dunha das empresas da trama, co conselleiro de Infraestruturas. O seu obxectivo sería "interceder" na concesión de obras públicas.

O actual secretario de Imaxe e Publicacións do Bloque coida que a maioría da corrente actualmente dirixida por Carlos Aymerich "vai optar por saír" na súa asemblea do día 11, na que poderán participar os militantes de +G que xa se deron de baixa na formación frontista

Os conservadores rexeitan a proposta do BNG, apoiada polo PSdeG, para dedicar o 24 de febreiro de cada ano a lembrar á poeta nas aulas. En opinión dos populares, abondaría realizar "actividades de conmemoración" no Día Internacional da Poesía porque na escola non hai ningunha data dedicada a "persoas concretas"

O presidente da Xunta fai responsable do 'corralito' de Novagalicia Banco ao goberno de PSdeG e BNG. A preguntas de Pachi Vázquez, asegura que as participacións preferentes "son da súa época", aínda que foron lanzadas con Fraga no Executivo e remataron en 2011.

A voceira do PP en materia de servizos sociais asegura que "non hai ningunha privatización" de centros da 'Galiña azul', aínda que o Consorcio vén de outorgar a xestión de tres delas á unha fundación que a CIG liga co Opus Dei e dúas máis están pendentes de adxudicar

A Sociedade Galega de Medio Ambiente inicia os trámites para contratar un servizo de xardinaría para o seu complexo de Cerceda  por máis de medio millón de euros.

A bandeira da "imposición lingüística" axitada por Feijóo durante a campaña electoral derivou en grandes mobilizacións contra o chamado decreto do plurilingüismo, que reduce a presenza do galego nas aulas e que actualmente é aplicado sen excesivos controis