Marcos Pérez Pena

Senén Pousa, rexedor de Beade dende 1974 e autodenominado como "franquista", vén de anunciar que buscará ser reelixido nas eleccións municipais de maio. O alcalde de Taboadela leva no posto dende 1972 e outros seis políticos manteñen o seu cargo dende os primeiros comicios de 1979. Outros nove, dende 1983.

En 2018 o 50,35% dos peregrinos foron mulleres, unha porcentaxe que no 2011 era do 42%. O pasado ano, que se bateu un novo récord histórico de camiñantes a Compostela, houbo tamén máis peregrinos estranxeiros que procedentes do Estado Español

O persoal desta empresa de telemarketing, que emprega a 700 persoas na Coruña, está convocado este venres a unha xornada de folga. Demandan mellores condicións laborais, estabilidade contractual e melloras nun salarios que están por debaixo dos 1.000 euros. Falamos con Adrián García

Falamos con Manuel Moreira (CIG), Ángel Cameselle (CC.OO.) e Manuel Martín (AGDSP) sobre a situación da Atención Primaria na área sanitaria de Vigo e pedímoslles unha proposta de solución para os actuais problemas asistenciais

A marcha, baixo o lema de "Pola dignidade da Atención Primaria" foi convocada polos 25 xefes de servizo que dimitiron hai unhas semanas. Case 40.000 persoas reclamaron solucións para as eivas asistencias que presenta a área sanitaria viguesa

O Museo de Arte Contemporánea da Coruña, propiedade da empresa de luz e gas, pecha esta fin de semana a súa derradeira exposición. Hai consenso político para darlle continuidade en forma de fundación, pero necesítase do visto bo da compañía para usar as actuais instalacións. Falamos con Enrique Lista, membro da directiva de A Colectiva.

Silvia Pérez Freire, profesora da Universidade de Vigo e voceira da Rede Galega contra a Trata Sexual, foi recoñecida esta semana co premio á mellor tese de doutoramento sobre violencia de xénero en todo o Estado, nun traballo no que destaca que "a trata sexual é o chibo expiatorio social para non afrontar o fenómeno da prostitución". Falamos con ela

Nos dous últimos anos o pico da enfermidade concentrouse nas dúas últimas semanas de decembro e no mes de xaneiro. Este outono as temperaturas cálidas atrasaron de momento a intensificación da actividade gripal. O último inverno producíronse 223 falecementos relacionados coa gripe en Galicia 

Falamos con Casimiro Obispo, presidente da Sociedade Galega de Obstetricia e Xinecoloxía (SGOX), sobre a posibilidade e riscos de dar a luz na casa, sobre a atención á endometriose ou ás patoloxías do solo pélvico e sobre a conveniencia de procedementos como a episiotomía nos partos.

O 20 de decembro de 1907 o Himno Galego era interpretado por primeira vez en público no actual Gran Teatro da Habana. A composición de Eduardo Pondal e Pascual Veiga nacera en 1890 nun Certame Musical organizado pola cidade da Coruña. As Irmandades da Fala consolidaron o seu uso, pero tivo que competir con outros himnos posibles.

As contas para o 2019 da Universidade de Vigo sitúanse lixeiramente por riba das de hai unha década, pero as de Santiago e A Coruña están aínda por debaixo. Durante a crise o persoal docente e investigador das tres institucións reduciuse en 400 traballadores.

A iniciativa CiberRespect, na que participa Ecos do Sur, lanza unha guía para contraargumentar con datos as mensaxes falsas contra a inmigración que poidan xurdir nunha conversa ou xuntanza familiar, de amigos ou compañeiros de traballo