Marcos Pérez Pena

A sentenza recoñece a existencia de prexuízos económicos, danos físicos e morais sufridos por unha muller por mor da decisión da Consellería de Política Social, que deberá aboarlle algo máis de 3.000 euros. O pasado ano outra sentenza recoñeceu que nunha mesma vivenda podían coincidir varias persoas que recibisen esta renda sen estar emparentadas

O xurista faleceu esta noite na Coruña aos 85 anos de idade. Catedrático de Dereito Administrativo, liderou a UCD na Coruña entre 1977 e 1981. En 1990 converteuse en reitor da Universidade da Coruña, cargo que ocupou durante 13 anos.

Mariña Patrimonio alerta de que traballos forestais da industria da madeira afectaron a unha da mámoas deste espazo arqueolóxico de Vilalba, que estivo a piques de ser vendido polo Ministerio de Facenda hai uns meses. A entidade, xunto con ADEGA, presentou xa denuncia ante o Seprona sinalando que se trata dunha plantación "ilegal"

Foi citada polo Fiscal Xefe de Ourense como "testemuña" no propio caso no que exerce a acusación. Di que non comparecerá, expoñéndose a unha posible detención: "Non teño obriga de ir. Quéreme citar alí porque son incómoda neste procedemento". Entre 1998 e 2003 o Concello perdoou 1,7 millóns de euros a varios construtores, ao non esixirlles o 10% do aproveitamento urbanístico

GRÁFICOS O pasado ano Galicia recibiu 18.000 inmigrantes, fronte a 11.000 persoas que emigraron fóra de España. Porén, o saldo migratorio co resto do Estado é negativo entre os e as menores de 35 anos. Madrid, Cataluña e Andalucía, principais destinos para quen marcha. Venezuela, Brasil e Colombia, orixe das persoas que chegan.

En Sanidade o desembolso das familias incrementouse un 32%. O custo do alugueiro de vivenda medrou un 68%, o recibo da auga un 82% e o da electricidade un 79%. O gasto total por persoa case non variou entre 2007 e 2017, subindo un 4%. O efecto da crise aínda se deixa notar e o dato actual segue por debaixo do acadado no ano 2008.

• Descende a pobreza en Galicia, pero segue afectando ao 22,6% da poboación

A semana que vén reanúdade o proceso contra o mozo do Carballiño, aprazado o pasado mes de marzo. Detido nunha manifestación das Marchas da Dignidade en 2014, podería ser condenado a 5 anos e 8 meses de cadea. Lucía Suárez e Xosé Manuel Beiras, en nome da Plataforma Absolución Emilio Cao, esixiron este venres a súa exculpación.

En novembro houbo unha visita sorpresa ao hospital, na que se constatou a limitación das instalacións e do persoal dispoñible e o posible recurso á inmobilización como método castigo e á sobremedicación. O órgano de control remitiulle á Xunta unha serie de suxestións, que nin sequera foron respondidas polo Goberno galego

• A derruba dun teito no Gil Casares de Compostela, unha mostra do "abandono do hospital"

Asociacións do sector calculan que se necesita a contratación de 40 profesionais para solucionar as eivas actuais, especialmente graves en Vigo e na Costa da Morte. O sindicato CESM alerta de que a metade dos e das traballadoras sofren estrés e ansiedade por exceso de traballo e de que o 25% do persoal ten máis de 60 anos

A cifra total (18.413), feita pública este martes, sitúase por debaixo do anterior mínimo histórico, rexistrado en 1998. A taxa de natalidade fica por debaixo de sete nacementos por cada mil habitantes, superando apenas os datos de Castela-León e Asturias. A idade media da maternidade achégase aos 33 anos, só por detrás da de Euskadi. 2017 foi o ano coa maior fenda entre nacementos e mortes dende que hai datos.

"Quero na lousa que me de sosego esta palabra que ten ás: Poeta e esta palabra que ten luz: Gallego" pódese ler xa na tumba que o acolle dende 1967. Nese momento non se colocou o texto que o autor lle encomendara á súa dona Eudosia no 1915 no poemario Vento mareiro

Este xoves comezou na Coruña Acampa, que ata o sábado inclúe conferencias, debates, exposicións, concertos e a presenza de representantes de ONGs como Camiñando Fronteiras ou OpenArms. Demándase que España cumpra cos seus compromisos de acollida de persoas refuxiadas e que se recoñeza o dereito de asilo por cambio climático.