Marcos Pérez Pena

A maior parte dos desprazamentos ao lugar de traballo ou estudo realízanse en coche, pero na cidade herculina un 20% vai en tren ou autobús e nas dúas capitais provinciais do sur o 30% vai andando. Ferrol é onde máis se emprega o vehículo privado, máis utilizado por homes que por mulleres e especialmente polos varóns entre 30 e 50 anos.

Os datos do Censo 2021, publicados polo INE, poñen datos á división sexual do traballo de coidados, no que as mulleres seguen a cargar coa maior parte dos labores no fogar e á hora de atender a menores ou a maiores dependentes. O 13% dos homes que viven en parella e con fillos na vivenda non realizan ningunha tarefa e un 38% só unha pequena parte.

Diego Gómez, avogado e profesor da Uvigo, puxo en marcha unha iniciativa para eliminar unha das poucas medidas aplicadas no marco da emerxencia sanitaria da COVID aínda vixentes. Lembra que a obrigatoriedade prexudica "aos máis débiles", como persoas maiores e migrantes e subliña que "aplicar normativas excepcionais a situacións ordinarias vai en contra do Código Civil"

Na vila carnotá o 9% dos inmobles do termo municipal están rexistrados legalmente como vivendas de uso turístico. Sanxenxo achégase ao 8% (7,84%) e tamén Fisterra, O Grove, Corcubión, O Vicedo e Muxía superan o 5%. Na zona vella compostelá a porcentaxe supera tamén o 5%.

A diferenza do último estudo lingüístico publicado polo IGE no 2019, no que o galego aínda aparecía como o idioma máis empregado, os datos do INE amosan que tanto no ámbito familiar, entre as amizades e no traballo, hai máis persoas que empregan o castelán "sempre" ou "frecuentemente".

Entre a mocidade tamén destaca a importancia das mortes en accidente de tráfico e por riba de 80 anos son máis as defuncións ligadas a problemas circulatorios. No resto, os tumores son a principal causa, chegando a supoñer o 45% dos falecementos entre 50 e 59 anos e o 51% entre 60 e 69 anos

O PP agarrouse ao mantemento dos seus resultados na Costa da Morte para expoñer que a cidadanía avalara a súa xestión da catástrofe, pero Galicia estaba a vivir un cambio de ciclo que se confirmou dous anos despois. Os populares baixaron catro puntos no país e perderon parte do seu poder municipal, mentres que no resto do Estado mantiveron o apoio acadado catro anos antes.

Entre xaneiro e novembro os prezos medios aumentaron un 4,5%, un incremento que en barrios coma o Ensanche compostelán foi do 16%. Pontevedra e A Coruña son as cidades que máis se encareceron nos últimos anos

En 1900 Galicia era o terceiro territorio máis poboado, por diante de Cataluña, a Comunidade Valenciana ou Madrid, e A Coruña era a cuarta provincia con máis habitantes (hoxe é a 12ª). A perda demográfica máis importante correspondeu ás provincias orientais.

Quintela de Leirado (28,6%) é o concello con máis desemprego, nunha lista que continúa Vilardevós, Fornelos de Montes e Monterrei e 39 localidades superan o 20%. Hai 11 concellos por debaixo do 8% de paro, a maior parte no centro da provincia de Lugo

Os montes veciñais levan dous anos atopando atrancos para ser recoñecidas como 'comunidades enerxéticas locais' e poñer en marcha instalacións de autoconsumo. O Observatorio Eólico presentou un informe pericial que defende a participación dos comuneiros galegos pero que foi ignorado polo Ministerio para a Transición Ecolóxica.

Tres xornalistas de La Opinión da Coruña, Enrique Carballo, Marta Otero e Iván Aguiar (con quen falamos) veñen de publicar o libro Mar Egeo. El día que ardió el mar, que reconstrúe o sinistro que tivo lugar hai 30 anos e as súas consecuencias posteriores a través de entrevistas con algúns dos principais protagonistas.