Marcos Pérez Pena

O Premio Nacional de Narrativa de Marilar Aleixandre súmase ao anunciado hai uns días para Ismael Ramos no apartado de Poesía Nova, alongando unha xeira de recoñecementos recentes para galegos e galegas en case todos os campos, dende a Tradución e o Ensaio ao Xornalismo Cultural e a LIX, pasando pola Moda, a Arquitectura ou as Artes Plásticas

As propostas das urbes galegas, agás Vigo, rexeitan aplicar de entrada limitacións aos vehículos máis contaminantes e céntranse e afianzar as políticas de fomento da mobilidade peonil e ciclista. En Lugo, Compostela ou Ferrol as ZBE coincidirán cos propios cascos históricos, xa peonís ou en proceso de selo.

Este domingo Brasil celebra a segunda volta das súas eleccións, nas que Lula da Silva se enfronta a Jair Bolsonaro cunha pequena vantaxe ao seu favor nas sondaxes. Wesley Guerra, colaborador do IGADI, advirte de que mesmo se obtén a vitoria o petista terá que negociar cunha Cámara de representantes na que bolsonarismo obtivo a maioría

Nas últimas dúas décadas os nomes escollidos para os nenos e nenas nacidas no noso país cambiaron por completo, aparecendo unha ampla variedade de opcións que relegaron ás denominacións máis tradicionais. Repasamos en gráficos a evolución dos antropónimos máis frecuentes dende o ano 2000.

A Coruña acolle este venres e sábado o XXI Simposio da Red Renda Básica, que reunirá os principais expertos e activistas neste campo no Estado, presentando tamén os proxectos de aplicación práctica en marcha, coma o Plan Piloto da Generalitat, previsto para o 2023 e que lidera Sergi Raventós, con quen falamos.

13 empresas participaron no stand da Asociación Galega de Editoras nos dous encontros internacionais, entre os máis importantes do mundo. Porén, denuncian que o Goberno galego rexeitou apoiar esta acción e optou por instalar "outro stand, sen actividade, xestionado por persoal alleo ao sector, e que supón un gasto extraordinario de fondos públicos"

Segundo os datos do INE, hai 2.387 persoas sen fogar no noso país, a maioría homes entre 45 e 65 anos, aínda que a porcentaxe de mulleres medrou de forma importante. Mentres que no conxunto do Estado hai 86,6 persoas sen fogar por cada 100.000 habitantes, en Galicia esta ratio chega ás 165,7

O Parlamento aprobou unha proposición non de lei do PSdeG que esixe ao Goberno galego cumprir o Decreto de 2017 que segundo os socialistas implicaría a ilegalización dos pisos turísticos sen habilitación por parte dos concellos. En Compostela, que leva anos impulsando medidas para regular estes establecementos, o rexistro da Xunta amosa unha diminución no seu número

En 2020 a poboación en situación de exclusión aumentou de forma importante en Galicia, pero en 2021 o dato mesmo baixou, grazas ao "escudo social", que evitou que entrasen nesta situación unhas 127.000 persoas, segundo destaca o informe presentado este luns por EAPN-Galicia, que alerta da "feminización" da pobreza e reclama recuperar a medida eliminada polo Goberno galego

Este domingo comezou o XX Congreso do Partido Comunista Chinés (PCCh), un encontro que se celebra cada cinco anos e marca as grandes liñas políticas do país. Falamos con Xulio Ríos, asesor emérito do Observatorio da Política Chinesa e un dos maiores expertos na política do xigante asiático.

As zonas urbanas, con mellores servizos de transporte colectivo, teñen moitos menos coches por habitante que as zonas rurais. Ademais, cada ano matricúlanse menos vehículos, especialmente nas cidades, mentres que nos concellos menos poboados o parque automobilístico segue a medrar de forma importante.

Os encoros galegos atópanse ao redor do 47% da súa capacidade total e levan máis dun ano por debaixo do 60%. As previsións indican que as desexadas precipitacións non chegarán nas vindeiras semanas, polo que se reiteran as peticións públicas para un aforro no uso da auga para evitar restricións futuras.