Miguel Pardo

Cerdido asumirá o copago de medicamentos para os veciños con problemas económicos. "Non me sitúo contra o partido, sitúome baixo a miña conciencia", di a rexedora popular, que confía nunha solución desde a Xunta e que se une aos concellos populares de Boborás e Vilanova no rexeitamento á medida.

Únense na Iniciativa Galega pola Gratuidade na Sanidade liderada por Riotorto, primeiro concello que anunciou que asumiría o repago farmacéutico, e por outros municipios contrarios á medida. Convocan varias mobilizacións, a primeira o vindeiro día 8.

As diferentes plataformas maniféstanse ante as delegacións de Facenda de 16 localidades. Reclaman a paralización das sancións, máis e mellor información e un réxime unificado do IRPF para as pensións de diferentes países.

Sete mulleres galegas suman quince días de protesta reclamando "protección real" para as maltratadas e denuncian a "censura" que a súa acción está a sufrir en Galicia.

Ramón Noceda, alcalde de Carnota, censura o "desleixo absoluto" do Goberno galego tras o incendio do verán, advirte dos "espectaculares" danos das escorrentías e anuncia que o Concello prepara xa un plan de actuación á marxe da Administración autonómica.

A taxa de protección en Galicia sitúase no 34,7%, case trinta puntos menos que a taxa de cobertura, que só inclúe os parados rexistrados e non se basea na EPA. Máis de 180.000 desempregados non cobran subsidio ningún.

Francisco Pillado e Lino Braxe deciden retirar seis obras do autor cedidas a unha mostra para protestar pola marcha de Silvia Longueira, apartada da dirección polo Concello da Coruña.

"A situación é gravísima", denuncia a Asociación Monte Pindo Parque Natural e o Concello de Carnota, que acusan de desleixo e de "só querer sacar a foto" á Xunta e que alertan dos danos medioambientais, pero tamén sobre o sector pesqueiro e marisqueiro da zona. 

O deputado de AGE deixa o Parlamento para emigrar a Dinamarca e traballar na investigación científica. "Non é meritorio nin relevante", di, tras recoñecer que en ocasións tivo "dificultades" para se "conter e non contestar as barbaridades que se din na Cámara".

A Pontenova e Castroverde son os últimos en unirse á lista de municipios que asumirán o novo repago nos medicamentos imposto polo Goberno central. A maioría teñen gobernos socialistas ou nacionalistas, pero ata un alcalde do PP decidiu seguir o exemplo que iniciou Riotorto.

Francisco García, alcalde de Allariz e vicepresidente da Fegamp, recórdalle aos deputados galegos do PP que "terán que aclarar por que van en contra" do rexeitamento unánime á lei que os seus alcaldes acordaron co resto de municipios do país.

Nove meses despois da súa visita a Galicia, os europarlamentarios non dan consensuado un texto, ao pretender o deputado conservador obviar a responsabilidade das autoridades na contaminación das rías.