Miguel Pardo

O galego Marco Carreira preparou a Nicolás García para unha aventura olímpica que rematou cunha medalla de prata en Londres. Tan só unhas semanas despois, os triunfos dun deporte minoritario que deu tres metais á delegación española quedan no olvido. Como tantos outros. "Merecemos que se fixen en nós", di.

O Goberno pon en marcha a sétima lei educativa da democracia, a través da cal o Estado imporá máis contidos ás autonomías, na que se blindan as subvencións a colexios que segregan por sexos, se implantan reválidas en todas as etapas e se reforzan materias básicas. Os sindicatos educativos critícana por "sectaria e elitista" e "usurpadora das competencias autonómicas".

Feijóo saca peito polos acordos coa petroleira mexicana que suporían, segundo di, 1.500 empregos para Navantia e outros tantos para Barreras. Os sindicatos rebaixan as cifras a un máximo de 353 postos de traballo na ría de Ferrol e de 450 en Vigo. O presidente da Xunta aproveita para cargar contra o "nivelazo" da oposición. Audio no interior.

Valentín Carrera vén de presentar en Lugo 'As eleccións xerais do 20N na rede', unha obra na que analiza a campaña dos últimos comicios estatais en Galicia nos medios 'online'. O escritor e xornalista afonda nesta entrevista nos retos dos políticos ante unha nova comunicación en Internet á que cre que aínda non están afeitos os partidos tradicionais.

O presidente e candidato á reelección gábase da "eficiencia" do seu Goberno no acto organizado pola Xunta para que a petroleira mexicana asinase dous contratos por outros tantos barcos, un para Navantia e outro para Barreras. Os sindicatos cren "unha boa noticia" calquera carga de traballo, pero advirten de "datos inflados" e acusan os políticos "de usar o naval como baza electoral".

Os sindicatos educativos rexeitan a futura modificación da LOE e advirten dos riscos de que o Estado impoña máis contidos comuns ás autonomías ou das reválidas que inciden na "elitización" do ensino público. Dende o mundo editorial tamén se asiste con preocupación a un proceso que prexudica gravemente as empresas da periferia e que non ten xustificacións pedagóxicas só polítícas.

O equipo mariñao vén de debutar na Primeira División de fútbol sala, onde Galicia presume de ser a autonomía máis representada. O conxunto lucense presume tamén de ser o único club do Estado cun conxunto na elite masculina e feminina.

A CIG denuncia que a Administración está a "forzar os seus traballadores a facer campaña a prol do PP". "A Xunta traballa ao ritmo e en función da campaña electoral", denuncian fontes coñecedoras das denuncias, que advirten da paralización de expedientes sancionadores ou da aceleración de procesos "que teñan repercusión positiva" na sociedade.

Helena Gómez é desde o pasado venres nova presidenta da Confapa (Confederación de Anpas Públicas de Galicia). Advirte de futuras mobilizacións e aposta pola unión para se enfrontar os atrancos que afrontarán os centros galegos neste curso.

Asegura que a crise "está a agravar" a disparidade territorial e a provocar un descontento popular "especialmente preocupante". Insiste en que as medidas do Goberno "non estimulan a economía nin crean emprego" e ve necesario "un novo modelo de crecemento máis equilibrado".

O Executivo galego asume que o proxecto de Estela Eólica "pinta mal" e paraliza a solución para a incineradora do sur  por mor do adianto electoral, malia que conta con que sexa Sogama quen acolla a infraestrutura.

Espazo Ecosocialista deixa a formación galeguista e decide "abrir o diálogo político" coa coalición entre Anova e Esquerda Unida "para unirse a ela".