Praza Pública

Os sindicatos cifran en 150 mil os asistentes ás marchas convocadas en A Coruña, Ferrol, Santiago, Lugo, Burela, Ourense, Pontevedra, Vilagarcía e Vigo contra a reforma laboral. Galería no interior.

Milleiros de persoas lembraron este sábado a Amador Niebla e Daniel Rey, traballadores do naval asasinados pola policía franquista, nos actos convocados pola CIG e CC.OO. Galería de imaxes no interior

O 92% da asemblea nacional do referente xuvenil de Máis Galiza opta por deixar a organización de mocidade do BNG. No caso de que +G opte pola permanencia na fronte, "revisarán" o seu "protocolo de relación coa corrente.

Os premios da Asociación Galega de Editores recoñeceron tamén a Poesía Completa de Lois Pereiro e Xa me tardan eses magos, de Mamá Cabra, e situaron Obra Gráfica de Conde Corbal, editado por Nova Galicia Edicións, como o mellor libro de non ficción. Así mesmo, Xavier Queipo recibiu o premio Xosé María Álvarez Blázquez ao mellor autor do ano.

Dirty Socks, Músculo!, Raposo e Trajano! son catro dos trinta grupos candidatos a gañar o certame organizado pola emisora musical. Até o 19 de marzo o público poderá votar para escoller un dos tres finalistas.

A presunta trama corrupta de "tráfico de influencias" e "blanqueo de capitais" implica xa a case corenta persoas e ten supostamente no seu centro ao empresario lugués Jorge Dorribo, cuxas declaracións xa zarrapicaron a políticos de PP, PSOE e BNG

CCOO denuncia que as obras no complexo hospitalario do CHUS só foron un "lavado de cara" diante do "malestar social" polo falecemento dunha persoa que agardaba a ser antendida nos corredores de urxencias

Javi, Tucho, Tonhito e Fran ofreceron un concerto memorable de máis de tres horas onte en LP45. Había oito anos que os Heredeiros non se subían a un escenario. Celebraban o 20 aniversario desde a súa primeira actuación na festa da Dorna en 1992. Galería no interior.

O experimento LHCb do Gran Colisionador de Hadróns (LHC) do CERN, no que participa a USC, publicou esta semana no repositorio dixital arXiv a primeira observación directa da falla de simetría entre materia e antimateria (fenómeno que se coñece en Física como ‘violación CP’) nas desintegracións do mesón Bs. 

A Ópera dos tres reás (CDG) e Citizen (Chévere) acadan oito nomeamentos, por seis de Oeste Solitario (Excéntricas) e tres de O Florido Pénsil (Eme2). Estas tres últimas son as candidatas á mellor obra galega do ano. Os premios entregaranse o vindeiro 3 de abril no Teatro Rosalía de Castro da Coruña.

Ángel Barajas, responsable do Máster en Xestión Empresarial do Deporte que organiza a Universidade de Vigo, é un dos nove expertos que asesoran a UEFA sobre o "xogo limpo financeiro", as consecuencias da crise económica na economía dos clubes ou sobre a existencia dunha burbulla, polo papel dos investidores multimillonarios. O BNG presentou unha pregunta no Congreso hai uns días para coñecer a canto ascende a débeda dos clubes.