O naval pide solucións na rúa e no Concello e Feijóo responde que "ou dique ou barcos"
Sindicalistas comezan un peche indefinido no consistorio de Ferrol logo de que a Navantia asumise que a chegada da infraestrutura é moi difícil. "Que veñan dicirnos á cara como é que hoxe nos din todo o contrario que a final de xullo", din desde o comité, mentres o presidente da Xunta insiste en que "nas próximas semanas" haberá unha saída.
Jorquera insta a Feijóo a recorrer a quita das preferentes ou estará: "do lado dos estafadores"
O candidato do BNG á Xunta reclama que o Goberno galego se persoe na demanda da Fiscalía e lle proporcione máis medios ao xulgado da Coruña que a instrúe. Vídeo no interior.
Santiago acolle por primeira vez en España as 'Nerd Nites'
A iniciativa consiste en charlas sobre política, medicina, literatura, arte, física ou matemáticas que se realizan en locais nocturnos. Terán lugar Kunsthalle, no Casino e na Nave de Vidán a partir do 20 de setembro
Mirar Galicia dende Gales: Abrir o foco para vernos mellor
A Universidade de Cardiff acolle de mércores a venres o X Congreso da Asociación Internacional de Estudos Galegos (AIEG), que incluirá a celebración dun Obradoiro de Estudos Rosalianos no que participarán investigadores e expertos na obra da poeta.
Para ler algo máis que os pousos do café
A cafetaría-libraría que a editorial Rinoceronte abriu en Cangas celebra o seu primeiro mes de funcionamento cunha grande aceptación entre os clientes ante esta iniciativa moi común no centro e norte de Europa pero novidosa en Galicia.
Catalunya vive hoxe unha manifestación histórica pola súa independencia
A marcha, convocada pola Assemblea Nacional Catalana, contará co apoio de CiU, ERC, ICV e CUP, pero tamén de moitos dirixentes do PSC, baixo o lema 'Catalunya, novo Estado de Europa'. Artur Mas non participará pero a apoia e este martes afirmou que Catalunya esta "cerca da súa plenitude nacional". El Periódico publica unha sondaxe na que os cataláns que apoian a independencia (49,5%) son maioría.
Navantia asume a dificultade de conseguir o dique flotante para a ría de Ferrol
Recoñece os problemas para "atopar formas de financiación viables" nunha carta feita pública polo PSdeG, o que supón un novo pau para o naval e para as promesas do PP. Ao tempo, o BNG pide que Feijóo explique no Parlmento todos os "incumprimentos" co sector e os traballadores protestan pola supresión da paga de Nadal.
Prolingua aprobará o sábado un chamamento para as eleccións do 21-O
A plataforma celebrará unha asemblea en Teo este sábado, que tamén escollerá os membros da súa cerna. Poderán participar todos e todas as asinantes do manifesto.
Crece o uso de software libre nas empresas galegas
O oitenta por cento das compañías de máis de dez traballadores xa utiliza algún sistema de software non privativo, cinco puntos máis que o ano pasado.
Profesores interinos defenden os seus dereitos laborais ante a Xunta
Uns 200 docentes concéntranse ante a Consellería de Educación para protestar contra a eliminación de profesorado e os recortes no ensino público.
O Concello de Rianxo e Vitaminas presentan a campaña 'Móllate polo galego'
O obxectico da iniciativa é aumentar a sensibilidade dos mozos polo idioma galego. No acto, que terá lugar o mércores ao mediodía, participarán Tonhito de Poi, o alcalde da vila, Adolfo Muíños, e un dos integrantes de Certo, diario dixital do Barbanza que colabora na plataforma de medios en lingua galega.
As emisións galegas de gases de invernadoiro aumentaron en 2011, tras anos de descenso
A crise económica e, sobre todo, a diminución da produción das térmicas de carbón das Pontes e de Meirama, recortaron un 26% as emisións galegas de gases causantes do cambio climático entre 2007 e 2010. Os datos de 2011 avanzan un repunte das emisións, inducido polo incremento en perto dun 50% da produción de electricidade a partir de carbón. Un texto de Xosé Veiras no blog Un claro no bosque