Praza Pública

ADEGA, SGHN, Amigos da Terra, Verdegaia e os 18 colectivos que compoñen a Federación Ecoloxista Galega constituíron este luns a entidade en Ourense, e presentaron un manifesto que aposta por unha nova política de xestión de residuos que prime a reciclaxe e a redución.  

O secretario xeral do PSdeG-PSOE, que apoiou a Rubalcaba, repite o compromiso de incorporar os militantes que votaron a Chacón e di sentirse "orgulloso" de Francisco Caamaño. Afirma que “todas as mañás que o goberno galego ve que cae o sistema financeiro, que cae o plan eólico, que cae o plan de acuicultura, temos moi próximas unhas eleccións galegas”.

A Xunta de Galicia vén de aprobar a nova estrutura organizativa do Instituto de Promoción Económica (Igape) despois dos escándalos que supuxeron, entre outras cousas, o abandono do anterior director xeral, Joaquín Varela, imputado na Operación Campeón.

Diego E. Barros repasa nesta segunda entrega da súa crónica da campaña electoral das eleccións presidenciais francesas o escenario da dereita gala, coa ameazante presenza da Fronte Nacional en ascenso e cun discurso que conecta cada vez cunha maior porcentaxe de franceses e francesas.

Ana Miranda denunciou a aposta da Xunta pola incineración como modelo hexemónico de xestión de residuos, como demostra na súa opinión o proxecto da planta do Irixo. A eurodeputada advirte de que esta escolla incumpre a normativa europea.

As primeiras horas de Praza foron moi estresantes. Algúns problemas técnicos fixeron que estivésemos caídos durante unhas cinco horas. As nosas inmensas desculpas.

Francia está en plena campaña electoral. Aínda nese contexto, o presidente francés, Nicolás Sarkozy, vén de elevar o IVE ata un 21,2%. Tamén imporá unha taxa ás transaccións financeiras do 0,1%. Mariano Rajoy terá moi complicado eludir unha suba semellante pola crise fiscal española e polo feito de que a presión fiscal no Estado é das máis baixas da UE

A taxa de fogares galegos con acceso a banda larga superou en 2011 o 50%, pero segue dez puntos por debaixo da media estatal. O Instituto Galego de Estatística (IGE) avalía con datos o cumprimento do ambicioso plan da Xunta de Galicia.

Menos de vinte e catro horas antes do seu lanzamento, Praza presentouse en Santiago apostando por "contar o que outros non contan" e facer "xornalismo en galego, con total naturalidade"

Praza é un reto tecnoloxico: é un dos primeiros xornais no mundo deseñados e pensados integramente para o estándar de html5, que aproveita todos os recursos dispoñíbeis en internet, e que ademais o fai en formatos libres e abertos.

O 5 de febreiro de 1812, hai 200 anos, publicouse na Gazeta de Santiago o primeiro texto xornalístico na nosa lingua, un artigo de opinión defensor da ideoloxía liberal fronte ás ideas absolutistas e do dereito dos cidadáns a elixir democraticamente os xuíces

Fronte ás declaracións do novo ministro García Margallo, o instituto reclama, canda á austeridade nos servizos das autonomías no extranxeiro, unha "racionalización e repensamento da acción exterior global do Estado"