Praza Pública

A obra do serbio Dusan Kovacevic montarase en coprodución coa Companhia Teatral de Braga e terá un custe "bastante" inferior ao da peza prevista polo anterior equipo xestor do Centro Dramático, aínda que non se quixo dar unha cifra exacta. Ademais, anunciouse que representantes do sector das artes escénicas participarán no Consello Asesor do CDG.

A plataforma Vitaminas para o Galego, que agrupa 29 medios de comunicación na nosa lingua, prepara distintas accións para o Día das Letras. Na véspera, 16 de maio, o manifesto a prol do xornalismo en galego lerase en 17 escolas e institutos de Galicia, diante de 17 Casas dos Concellos, en 17 cidades de todo o mundo e traducirase ás 17 linguas máis faladas.

A Comisión pola Recuperación da Memoria Histórica da Coruña continúa coa súa campaña para difundir as coaccións e ameazas a través das que os cidadáns da comarca foron obrigados a achegar cartos para mercar o inmoble para regalarllo ao ditador. En concreto, fai pública unha serie de documentos que exemplifican como se levou a cabo este espolio en Carral.

Unhas 10.000 persoas bótanse ás rúas de Vigo para reclamar "solucións" e carga de traballo para os estaleiros convocados por CIG, CC.OO e UGT e co apoio das tres forzas parlamentarias galegas

A Plataforma cidadá que leva anos criticando os proxectos de instalación dun parque eólico na Serra do Galiñeiro organiza este domingo un roteiro que finalizará coa lectura dun manifesto a cargo de Manuel Rivas, e a actiación de Tino Vaz ou Leo i Arremecaghoná.

O concerto homenaxeará o Zeca Afonso e lembrará o 40 aniversario da estrea de Grândola, Vila Morena, que tivo lugar nun concerto no Burgo das Nacións. O festival, no que participarán trinta artistas, dende Quico Cadaval e Chévere a Joao Afonso e Uxía, pasando por Xurxo Souto ou Ses, encherá as 900 butacas do Auditorio, e emitirase en directo por streaming.

Uns 2.000 traballadores piden apoio á cidadanía para que a vindeira mobilización sexa "un clamor" e censuran a "incompetencia" da Xunta ante os problemas do sector

Unha "alumna indignada" remítenos unha carta na que denuncia a degradación da calidade do ensino na universidade pública por mor dos recortes e critica, en concreto que "varios profesor@s do departamento de Teoría da Literatura e Literatura Comparada da USC van perder os seus postos de traballo", polo que outros docentes van ter que ocupar esas horas.

O Encontro Irmandiño desbota pechar acordos con Máis Galiza, Acción Galega e Ecogaleguistas antes do día 15 e aposta por centrar o traballo nas asembleas abertas

O Festival Internacional de Teatro Universitario da Coruña ofrece do 8 ao 30 de maio dez obras de grupos afeccionados dos campus de Barcelona, Ferrol, Ourense, Santiago, A Coruña, Vigo e Beira Interior. O texto de Arístides Vargas Nosa Señora das Nubes, dirixida por Rubén Ruibal, representarase o 12 de maio no cárcere de Teixeiro

A Illa de San Simón acolle até o 10 de maio a segunda edición de Neuromagic, un cumio mundial de neurocientíficos e magos para analizar os mecanismos de atención da mente a través dos trucos dos ilusionistas. O Auditorio A Xunqueira de Redondela acolle este mércores unha conferencia-espectáculo de entrada libre.

O festival, que celebra o seu décimo aniversario, ofrecerá do 17 ao 19 de maio na Cidade dos Muchachos de Bemposta dous concertos de Manu Chao, pero presenta outros moitos atractivos: as actuacións de Os 3 Trebóns, Festicultores Troupe, Terbutalina e os espectaculares directos de Kiril Dzajkovski (Macedonia), Dubioza Kolektiv (Bosnia) e Bohemian Betyars (Hungría).