Té con Gotas

O podcast Té con Gotas xunta a dous membros das peñas do Deportivo e do Celta na cidade de Londres para falar da rivalidade dos dous equipos e do papel que xogan as súas asociacións á hora de artellar da comunidade galega na diáspora.

Nas derradeiras horas do Reino Unido na Unión Europea, Té con Gotas analiza o inédito escenario que se abre tras o Brexit. O primeiro paso é negociar o acordo definitivo. Dende a Unión levan meses insistindo en que un ano é moi pouco tempo para unha negociación destas características e que fixar o 31 de decembro como data final do período de transición é unha temeridade

O novo episodio de Té con Gotas pon o foco no último gran escándalo da familia real británica, sen precedentes dende 1936, cando Eduardo VIII renunciou ao trono. Ocúpase, ademais, da controversia polo cambio de horarios na conexión aérea da Coruña con Londres 

Nin case unha década de austeridade nin unha xestión do Brexit con máis sombras que luces foron suficientes para que o partido Conservador británico perdese a confianza do electorado nos comicios do pasado xoves

O Reino Unido elixe o 12 de decembro quen será o Primeiro Ministro nos próximos 5 anos. Boris Johnson e a súa axenda para desatascar o Brexit ou Jeremy Corbyn co seu programa de redistribución de poder e riqueza. 

O novo episodio de Té con Gotas achéganos ao xornal cooperativo The Bristol Cable e aos novos proxectos da xornalista galega da BBC Inma Gil

Malia que nas enquisas sobre intención de voto a nivel nacional dan unha vantaxe cómoda aos conservadores de Boris Johnson, o sistema electoral fai moi difícil anticipar un resultado. É recorrente a discusión sobre posibles pactos entre forzas pro-Brexit e pro-Remain para non dividir voto e garantir deputados para cada un dos bandos

Nesta semana saberase se o acordo asinado polo goberno británico e a Unión Europea conta con apoio suficiente no parlamento como para que o brexit se faga efectivo o 31 de outubro deste mes. 

O Green New Deal é unha proposta política para atallar a crise climática dun xeito socialmente xusto. Está gañando moitos apoios no Reino Unido, onde o Partido Laborista a acaba de adoptar como proposta oficial. 

Especialmente durante a crise, persoal de enfermería e medicina procedentes de Galicia foi recrutado para acceder a traballos nos hospitais do Reino Unido. Conversamos cun enfermeiro galego que traballa nun hospital de Londres e cunha integrante do colectivo Enfermeiras Eventuais en Loita

Boris Johnson ostenta o pouco envexable mérito de non gañar unha votación no Parlamento desde que foi nomeado como primeiro ministro. Ninguén na oposición quere dar luz verde a uns comicios en outubro antes de que se confirme que o Brexit se estenderá tres meses máis

Ademais do Brexit e da posición ante un hipotético segundo referendo, ao partido Laborista xurdiulle un novo foco de tensión interno a raíz dun asunto bastante alleo á política galega ou española: o antisemitismo.