Os catro centros manteñen a segregación por sexo nas aulas do ensino obrigatorio malia as exixencias da lei educativa para recibir subvención pública e logo de manobrar para non perdela. CIG-Ensino insta a Educación a "investigar se hai, como todo parece indicar, indicios de fraude".
Non todos os centros que poderían estar fan parte da iniciativa e algúns dos que estaban xa decidiron abandonar. O 60% dos centros galegos forman parte de E-Dixgal e nos últimos tempos aumentan as críticas das familias preocupadas polo uso excesivo de pantallas.
Milleiros de persoas desbordan o centro de Santiago para denunciar a "indefensión" do litoral e a actuación do Goberno galego ante o vertido de granulados plásticos e advirten da "situación crítica" das rías desde hai anos, para a que demandan solucións.
Os efectos do cambio climático ou a mortaldade masiva de bivalvos agudizan os problemas nas rías galegas, cun importante devalo na produción marisqueira e afectadas pola contaminación. "O dos 'pellets' foi a gota que rebordou o vaso", coinciden expertos e voces críticas no sector, que critican a "inacción" da Xunta.
A resolución rexeita que se vulnerase o dereito á integridade física do neno, de 7 anos, e considera que, pola contra, primouse "a protección do interese superior do menor en relación coa protección da súa saúde"
Voluntarios e operarios recollen a diario o granulado de plástico que chega ás praias de Muros. Na de Area Maior, un espazo natural destacado, a cantidade varía pero a "marea branca" non cesa. A alcaldesa cualifica como "inexistente" a xestión da Xunta desta crise dos 'pellets'. "Temos claro que da praia non se van retirar nunca porque é imposible quitalo todo, as bólas son minúsculas e están mesturadas coa area, moitas xa enterradas. O que non sabemos é cando o mar vai deixar de traelas ata a costa", di a voluntaria María Candamo.
Profesionais de enfermería e auxiliares de enfermería da UCI do hospital de Ourense denuncian "graves eivas" nas novas instalacións da unidade de críticos como que non poden ver aos doentes desde o control de enfermería e que non son quen de escoitar fóra as alarmas dos monitores aos que están conectados os doentes pola excesiva insonorización dos novos boxes. "Estamos con medo a que pase calquera cousa e non nos decatemos", din as enfermeiras. O Sergas, pola súa banda, "desmente totalmente" a situación.
