Acontece

A bolsa de vivenda baleira do banco malo, xurdido do estoupido da burbulla inmobiliaria, pode ser unha década despois a base sobre a que construír un parque de vivenda pública con alugueiro accesible. O Goberno central destinará a este fin 50.000 vivendas da Sareb, 21.000 de maneira inmediata, das que 1.285 están en Galicia. Ademais, anuncia a construción ou rehabilitación doutras 43.000.

O sindicato denuncia que o anteproxecto de Lei para a aprendizaxe ao longo da vida adulta "non contempla o mantemento do actual sistema de ensino público presencial". Neste momento, unhas dez mil persoas cursan estes estudos en centros nas sete cidades, en IES, cárceres e tamén de forma telemática

A AGDSP ou SOS Sanidade Pública censuran que o acordo para desconvocar o paro se basee no aumento das retribucións e na ampliación a todo o persoal do plus por traballar só no Sergas e esqueza melloras asistenciais ou estruturais. Advirten dunha "estratexia electoral" de cara aos comicios sindicais. 

O Teatro Jofre acollerá o 28 de abril un acto público no que intervirán familiares das vítimas, representantes políticos e membros da Comisión Pro Memorial, que leva anos promovendo un monumento que recolla os nomes e cronoloxía das persoas represaliadas, cuxa construción comezará en breve, segundo anuncia o Goberno local

A das Pontes é a industria que máis gases de efecto invernadoiro produciu no país en 2022. A baixada na produción hidroeléctrica e a parálise no desenvolvemento das renovables axudaron a que xeración de electricidade con gas fósil nestas instalacións medrase o 37% o pasado ano. 

O pacto co Sergas para suspender a folga do CESM inclúe remunerar máis as gardas e que os arredor de 1.400 médicos que tamén traballan na privada cobren o complemento duns 800 euros ao mes ata agora reservado a quen ten exclusividade coa pública. Sanidade remite mensaxes a pacientes afectados polos milleiros de citas canceladas pedindo desculpas e indicando que reprogramará as súas consultas, probas e operacións cirúrxicas

O dereito á vivenda regresa ao centro da axenda política coa nova lei estatal ou o plan para alugar a prezo accesible pisos do banco malo. Analizámolo no novo episodio do podcast informativo de Praza.gal. Ademais, con VINTE escoitamos as músicas de Ramona, a protagonista de Matria, e anotamos varias citas culturais de interese na Coruña

O reporteiro impúxose a Mònica Bernabé e Reporteiros sen Fronteiras. A acta do galardón organizado polo Colexio de Xornalistas e o Club de Prensa de Ferrol reclama un ano máis que "se esclareza o asasinato de José Couso" a cargo do exército estadounidense e fai un chamamento ás autoridades "para que poñan todos os medios para defender a liberdade de prensa e o dereito a informar"

Reclaman "a incorporación inmediata do conxunto dos efectivos de reforzo aos labores preventivos para evitar o acontecido no pasado 2022 ou situacións de emerxencia aínda peores".

Eventuais en Loita advirte do "risco" que corre a atención hospitalaria en Galicia o 25 de xuño ante a presenza nas oposicións en Silleda de milleiros de profesionais temporais que, segundo os seus datos, supoñen dous terzos do total do persoal.

A nova orde de concertos educativos do Goberno galego asume, tras a entrada en vigor da nova lei educativa estatal, a imposibilidade de subvencionar como ata agora os centros segregacionistas, que xa acceden a escolarizar nenos e nenas para o vindeiro curso 23-24, aínda que só en primeiro de Primaria.