A Iniciativa Galega pola Memoria presentou senllas solicitudes para que ambos espazos obteñan esta declaración, prevista na Lei de Memoria Democrática. As entidades memorialistas destacan que a súa aprobación permitiría "afondar na divulgación" e "garantiría a súa protección"
O país do sol nacente e o país do sol poñente están moi lonxe un do outro, pero este 23 de xullo o sol aparecerá na costa nipona e desaparecerá na costa galega ao mesmo tempo. Fisterra acolle unha celebración do evento, coordinada por Jorge Mira e apoiada pola Deputación da Coruña, que contará con representantes de ambos territorios.
Dende o ano 2017 o Concello de Ames plantou preto de seis mil árbores frondosas caducifolias para previr a expansión dos incendios, especialmente preto dos núcleos habitados, recuperar a calidade do solo e aminorar a perda de biodiversidade. Agora o proxecto foi validado pola UE para servir de exemplo a outros países.
Case tres mil avogadas e avogados emprestan este servizo no país a través da quenda de oficio e doutros traballos de atención xurídica de balde para as persoas con menos recursos ou as vítimas de violencia machista. Os e as profesionais levan meses de mobilizacións en demanda de dereitos laborais e unha maior retribución económica e ameazan con deixar de ofrecer esta asistencia.
A Xunta encarga un novo Plan de Saneamento un cuarto de século despois de aprobarse o anterior, para o período 2000-2015, e admite a "irregularidade" de que 76 núcleos de poboación non teñan conexión con redes de depuración
É a primeira vez que o Goberno galego asume nun informe oficial que varios contaminantes emitidos á atmosfera superan os niveis máximos recomendados por estes niveis de referencia, máis ambiciosos que os legais e tamén considerados polas Axencia Europea do Medio Ambiente
A comunicade educativa do CEIP Balaídos, en Vigo, mobilízase contra o peche dunha aula de infantil por falta de apenas dúas matrículas, o que ademais implica a perda de dúas docentes "que son necesarias". O persoal do centro advirte de que é habitual o incremento de alumnado durante o curso e subliña os prexuízos da decisión para estudantes con necesidades educativas especiais
Diversos colectivos e organizacións agrupados en defensa da CRTVG presentan unha iniciativa lexislativa popular baixo o lema Liberemos a Galega! ao considerar que "a sociedade galega debe saír ao rescate" dos medios públicos. Máis de seis anos de mobilizacións de Defende A Galega, o director xeral da CRTVG, así como o director de recursos humanos, o subdirector de informativos e outros seis altos cargos e exdirectivos están a ser investigados por un presunto delito de acoso laboral