Esta fin de semana Nova Escola Galega celebrou no Museo do Pobo Galego o seu 40 aniversario cun programa de actividades que incluíu un congreso, a presentación do relatorio Nova Escola Galega ante o tempo presente da Educación: retos e propostas e a lectura do manifesto O modelo de educación pública que defendemos.
No novo episodio do Fálase, o podcast informativo de Praza.gal conducido por David Lombao, coñecemos máis da reivindicación das Enfermeiras Eventuais en Loita tras unha nova protesta masiva nas oposicións do Sergas celebradas a pasada fin de semana. No espazo de VINTE, con arrecendo a verán, sabemos da conversa con Ana Pontón no Café Derby 21, viaxamos ao Porto e escoitamos músicas para a calor
O Concello de Carballo inaugurou este 28 de xuño o espazo, que homenaxea o popular humorista e músico, un fenómeno de masas nos anos 50, 60 e 70 cos seus contos, pero que foi invisibilizado e encarcerado por ser homosexual.
O TSXG anula a adxudicación dunha ruta escolar por 2,3 millóns a unha unión de empresas "dominada ao 97% por Monbus porque, no conxunto do concurso, foron "superados os límites de adxudicación permitidos" a unha mesma compañía. Estas sentenzas chegan despois de que o propio TSXG ordenase a Competencia da Xunta sancionar a Monbus e Alsa por "repartirse o mercado" de adxudicacións
O Concello espera levantar esta semana as restricións así que se confirmen os últimos resultados negativos en norovirus, causante da doenza que afectou centos de persoas e que mantivo vetada a auga da billa todo o mes de xuño.
Case nove mil persoas participaron no exame en Silleda, moitas delas vestidas de negro seguindo a convocatoria lanzada por Eventuais en Loita. O colectivo denuncia as súas "precarias condicións de traballo" pola acumulación constante de contratos por días ou semanas ou pola falta de dereitos laborais.
A Consellería de Educación publicou este o xoves a versión definitiva do catálogo para o curso 2023/24, coa conversión de ciclos presenciais na modalidade a distancia. CIG e CCOO denuncian tamén "o fomento da FP dual" e o incremento da oferta en centros concertados e privados.
As asembleas de traballadores acordan convocar paros o 6 e 7 de xullo e logo os días 19, 20 e 21 do mesmo mes ante o "inmobilismo" da patronal na negociación dun novo convenio.
Os xuíces conclúen que nos dous lotes se vulnerou o número máximo de contratos que poderían adxudicarse a cada licitador porque as compañías do grupo tiñan unha presenza “moi significativa” en ambas UTE
Ángel Bernardo Tahoces, actual xerente da Axencia da Industria Forestal, declarará como investigado por ter presuntamente asinado informes con falsidades para beneficiar a mineira de San Finx, implicada noutras dúas causas penais. Son varias xa as declaracións do ex-alto cargo en procesos xudiciais contra explotacións mineiras en Galicia.
Os xuízos aos que se enfronta a corporación pública este 27 de xuño chegan tras as demandas de tres profesionais por vulneración de dereitos fundamentais tras seren traslados dos seus postos habituais. O conflito lembra ao que acabou coa sentenza contra a CRTVG por represaliar un traballador crítico