Acontece

Unha manifestación percorreu este domingo as rúas da vila para demandar que a Xunta cobra todas as prazas existentes e que dote ao Centro de Saúde da Pobra dun Punto de Atención Continuada a tempo completo para evitar saturar os outros PAC da comarca.

Seguindo o ronsel aberto polo Agrocuir de Monterroso naceron outras iniciativas, dende Laza a Espasante, pasando Ribadumia ou Moaña, colectivos e eventos que visibilizan as persoas LGBTI pero tamén defenden o patrimonio natural ou loitan contra o despoboamento. "Debería haber un Agrocuir en todas as aldeas", salienta Xacobo García, un dos impulsores do Ponte Farruca de Laza. 

Maternidades Feministas convoca unha concentración este martes ante os xulgados composteláns de Fontiñas co obxectivo "de denunciar publicamente a falta de actuacións por parte do xulgado de violencia de xénero". A xuíza rexeitou a adopción dunha orde de protección, ao non advertir "un risco inminente para a integridade física ou moral" da denunciante

O Sindicato Labrego Galego solicita a convocatoria dunha Mesa do Cambio Climático en Galicia e esixe que a Xunta "reaccione xa a esta situación e que garanta os recursos e fondos necesarios para cubrir as perdas que están tendo as persoas labregas".

Nos areais da Coruña, nos que se reuniron preto de 100.000 persoas, recolléronse 22,7 toneladas de refugallo fronte ás 44 do ano pasado. Praia América e Panxón, en Nigrán, amenceron practicamente limpas. O 112 informou de 194 incidencias na provincia da Coruña, 121 en Pontevedra, 38 en Lugo e 20 en Ourense. 370 en total e todo o país.