Acontece

No novo episodio do podcast informativo de Praza.gal, conducido por David Lombao, analizamos a sorpresa que causa nalgúns eidos o ton de Feijóo como candidato ao liderado do PP e tiramos fíos que nos levan á primeira campaña electoral na que optou á presidencia da Xunta, no ano 2009. Ademais, achegámonos ao que se fala en VINTE, dende o Festival da Canção a unha manchea de novidades musicais e ás interioridades dun libro a piques de ver a luz

O TSXG condena o Consorcio Galego de Servizos de Igualdade e Benestar por negar un cambio de quenda para atender os pais a unha educadora á que deberá indemnizar con 3.000 euros. A sentenza únese ao aluvión que nos últimos meses ratifican o dereito a modificar a xornada laboral para conciliar. 

Dous anos despois do seu inicio, a pandemia de COVID-19 chega á súa fin. Haberá nalgún momento novas ondas? Saímos mellores ou, cando menos, máis preparados para unha hipotética repetición da situación vivida? De todo isto falamos con Francisco Caamaño Isorna, profesor de Medicina Preventiva e Saúde Pública da USC.

A redución dos 'partes' de datos prodúcese mentres as autoridades abordan o xeito en que flexibilizarán o uso da máscara en espazos interiores abertos ao público. Con máis do 90% da poboación vacinada, a incidencia acumulada volve apuntar a descenso en Galicia tras a leve alza tras o Entroido e as persoas ingresadas co virus eran o domingo 381, medio cento menos que unha semana antes

Con aínda moito traballo por diante, os areais de Lourido e Panxón que nos anos 20 do pasado século comezaron a ser urbanizados co nome de Praia América iniciaron hai dúas décadas un lento proceso de protección ao que agora se engade un proxecto científico de colonización e divulgación

No novo episodio do podcast informativo de Praza, conducido por David Lombao, escoitamos as historias de mulleres do mar que fican en terra mentres os seus maridos están embarcados e tamén a voz de Sari Alabau, unha das impulsoras da loita obreira e antifranquista nos sucesos de Ferrol en 1972, mobilización pola que a ditadura a encarcerou

O TSXG anula o convenio 'Abrir Vigo ao Mar' asinado en 1992 entre o Concello, Zona Franca e a Autoridade Portuario ao considerar que o consistorio incumpriu a súa obriga de manter e conservar parte da área afectada por ese acordo, na que se produciu o accidente do Marisquiño

Pablo González, Víctor Guerrero e Érika Reija cubriron ou están a cubrir o conflito e Mònica Bernabé destacou polo seu traballo en Afganistán. Os e as colexiadas do CPXG e os e as asociadas do Club de Prensa de Ferrol elixirán o gañador ou gañadora dun galardón que se entregará en maio.

Este xoves celébrase o 50 aniversario do Día da Clase Obreira Galega, a protesta dos traballadores de Bazán que foi violentamente reprimida polo franquismo, que causou dous mortos, 40 feridos de bala e máis dun cento de encarcerados. Nesta peza interactiva repasamos as causas que levaron á mobilización do 10 de marzo, o desenvolvemento dos feitos e as consecuencias posteriores

Foi unha das tres mulleres xulgadas no proceso dos '23 de Ferrol', no que o franquismo quixo castigar aos responsables da mobilización obreira na cidade, que o 10 de marzo de 1972 fora golpeada con dous traballadores mortos, 40 feridos de bala e máis dun cento de detidos e encarceraros, entre elas a propia Alabau, mestra e militante comunista. Este xoves celébrase o 50 aniversario daqueles feitos.

A ampla cobertura da vacinación e as características da variante que predomina propicia que as autoridades sanitarias sigan adiante co levantamento das restricións que quedan. O pico de novas hospitalizacións na vaga deste inverno quedou arredor da metade das cifras de hai un ano