Acontece

O Tribunal Superior de Xustiza de Galicia pronúnciase por primeira vez de maneira xenérica sobre a aplicación da lei de liberdade sexual na revisión de penas e lembra que a nova lei "redefiniu as agresións sexuais" para incluír nelas "o que antes se catalogaba como abusos", o que deu lugar ao "redimensionamento dos marcos penais". Na liña deste criterio, rexeita revisar unha condena de once anos e medio a un agresor sexual de menores e rebaixa en seis meses a doutro, que queda en dez anos e medio

Antonio Lanchares, imputado durante a instrución do accidente, di que en anteriores sinistros por exceso de velocidade establecérase que non era preciso mellorar a seguridade automática e iso levou a non pedila para a curva de Santiago

“Sempre debe haber algo que solvente ou corrixa a situación para que ese fallo non provoque un accidente”, di un enxeñeiro, que non puido aclarar ata que nivel se comprobou a existencia de riscos

Un técnico di que noutras liñas un avaliador independente analiza primeiro o funcionamento do sistema convencional ASFA e despois o máis avanzado ERTMS, pero aquí fíxose ao tempo e só no treito central da liña, non na curva do accidente

Abordamos a polémica arredor dalgunhas interpretacións sobre a lei de liberdade sexual e as reducións de condenas que se están a producir coa catedrática de Dereito Penal da Universidade da Coruña Patricia Faraldo, que participou na redacción do anteproxecto deste texto legal.

Unha vítima de violencia machista comparte a súa experiencia despois de denunciar e o acompañamento que vén recibindo da Rede de Mulleres Veciñais Contra os Malos Tratos de Vigo, que atendeu preto de 300 mulleres no que vai de ano. "Chega un momento no que ti realmente pensas que estás a facer algo para que che pegue ou che insulte, e saír dese círculo é moi difícil", explica

Un subordinado do cargo da empresa acusado polo sinistro di que era correcto deixar “en mans dun maquinista o control da velocidade”, ao que o fiscal replica que “o profesional pode fallar, ese é o problema”

O máximo órgano representativo dos facultativos da provincia pontevedresa fai responsable a García Comesaña da situación "de gravísimo deterioro" na que se atopa a Atención Primaria e reclama un maior investimento e mellores condicións laborais para os profesionais

Este xoves estréase no Pazo de San Marcos o documental 'No se oye', realizado por alumnado do Centro de Formación Audiovisual da institución provincial. A presentación do filme forma parte da programación polo Día da Violencia contra a Muller, que se desenvolve entre o mércores e o venres. Falamos con María Taboada, coordinadora do proxecto.

O teléfono que Adif di que o maquinista accidentado non tiña que coller era do propio Adif e a única canle pola que Renfe ou o interventor do Alvia se podían comunicar con el mentres conducía