Acontece

Abril finaliza con algo máis de 5.100 casos novos da COVID-19 detectados en Galicia; en marzo foran uns 4.600 e en febreiro, máis de 14.000. As áreas sanitarias de Pontevedra e O Salnés seguen rexistrando as incidencias máis elevadas do virus. Máis dun terzo da poboación galega recibiu cando menos unha dose de vacina, uns cinco puntos máis que a media estatal polo maior peso das persoas maiores de 80

O Sergas suma 211 novos casos da COVID e a incidencia acumulada a 14 días mantense un chisco por baixo dos 100 casos novos por cada cen mil habitantes. Tras dúas semanas sen ningún caso en residencias, Sanidade confirma un gromo de 8 positivos no centro DomusVi Chantada. O feito de que as 6 persoas residentes que deron positivo estean vacinadas favorece que permanezan asintomáticas

O TSXG ordena indemnizar con 70.000 euros á vítima, que no ano 2013 pariu no Complexo Hospitalario de Santiago, e que posteriormente sufriu o denominado 'síndrome de cola de cabalo', un dano neurolóxico nun grupo de nervios que determina a sensación e o funcionamento da vexiga, intestinos e pernas

O Ministerio de Transición Ecolóxica clausura de forma temporal este depósito de áridos, aberto no ano 1998 e que vén xerando as críticas de grupos ecoloxistas e dos mariscadores e pescadores da Ría de Arousa, que alertaban contra os prexuízos provocados neste lugar, situado a dúas millas de Sálvora, parte do Parque Nacional das Illas Atlánticas

Oito de cada dez persoas maiores de 80 anos xa completaron a pauta da vacina. O Sergas rexistra 230 casos novos do coronavirus nun contexto de relativa estabilidade da incidencia acumulada, que a catorce días se achega aos 100 casos novos por cada cen mil habitantes

Aínda que comarcas como a da Barbanza melloran a súa situación, un bo número de concellos coas incidencias máis elevadas seguen estando na contorna das Rías Baixas. A incidencia acumulada a 7 días para o conxunto de Galicia rolda os 50 casos novos por cada cen mil habitantes, un chisco por riba da metade do indicador a 14 días, o que indica unha lixeira tendencia ascendente

O informe da Academia sobre o uso da lingua no final do ensino obrigatorio certifica a súa escasa presenza nos centros privados, onde o 95% do alumnado declara que o castelán é maioritario ou exclusivo nas clases. 

O 27 de decembro Nieves Cabo convertíase na primeira persoa vacinada. Catro meses despois, aplícanse case 20.000 doses diarias, co 99% da poboación de máis de 80 anos e o 75% das persoas entre 70 e 79 anos con cando menos unha dose. O ritmo actual permitiría administrar en xullo a primeira dose ao 70% da poboación.

O 8 de xaneiro do 2020 este mozo coruñés de 32 anos morreu por disparos da policía filipina, que o acusaba de ser narcotraficante, algo negado de forma rotunda pola súa familia, que esixe unha investigación á que se negan as autoridades do país asiático

Máis dun 35% do alumnado castelanfalante que remata o ensino obrigatorio ten escasa capacidade para a lingua galega, segundo un estudo da RAG, que advirte que "a titularidade do centro si discrimina nas competencias" no idioma.