No novo episodio do podcast informativo de Praza.gal damos contexto ao tráxico naufraxio do Villa de Pitanxo coa axuda dun mariñeiro veterano de Terranova e analizamos o impacto en Galicia da crise interna do PP, comezando polas diferenzas coa renuncia de Feijóo en 2018 a liderar o partido e seguindo polo mapa político que se abrirá en Galicia se o actual presidente renuncia de vez. Conducido por David Lombao.
Centros de ensino e persoeiros da cultura están a mobilizarse para apoiar a árbore compostelá nunha votación que finaliza o 28 de febreiro e que incluirá a plantación de máis de 100.000 exemplares de especies autóctonas en Santiago.
O colectivo Enfermeiras Eventuais en Loita publica unha enquisa na que pon de manifesto a acumulación de contratos, pois o 62% tivo máis de 100 na súa vida laboral, e a dobre penalización das mulleres ao ser nais posto que o 41% afirma que non puido acollerse ás horas de lactancia
Este tipo de infracción penal leva anos en ascenso e son un dos poucos delitos que incrementa a súa frecuencia con respecto ao ano 2019. Furtos, roubos en domicilios e roubos con violencia descenden con respecto ao ano anterior á pandemia, mentres que aumentan as estafas telemáticas.
A armadora do barco con base en Marín di que o patrón lles trasladou unha perda do control da nave por unha parada no motor que o deixou "exposto ao vento e ás ondas" no medio do temporal nas augas de Terranova
Os labores de busca dos 12 mariñeiros desparecidos do arrastreiro Villa de Pitanxo nas augas de Terranova seguen suspendidos, pero o Goberno do Estado traslada a "boa disposición" de Canadá para retomalos cando mellore o tempo. De non aparecer os corpos, comezará o proceso para a declaración xudicial de falecemento, trámite cuxos prazos foron reducidos nos últimos anos
A norma xeral pasa a ser que cada persoa ingresada pode ter unha acompañante. Se o paciente padece a COVID, quen o acompañe debe portar equipo de protección individual. As mudanzas chegan mentres a poboación galega vacinada con pauta completa supera o 90% e a incidencia acumulada da COVID-19 cae en todas as áreas sanitarias e grupos de idade
Sebastián Freire pasou 30 anos pescando nos caladoiros das augas de Terranova. Este mariñeiro de Marín describe como se vive no interior dos arrastreiros que van ao fletán no mesmo sitio que naufragou o Villa de Pitanxo, un sinistro que sorprendeu a toda a xente do mar. Achegámonos á súa experiencia e, coa axuda dun meteorólogo de Meteogalicia, coñecemos as duras condicións da zona do naufraxio
As graves inundacións de 2016, agravadas polo encanamento e soterramento do río no século XX, propiciaron o proxecto que agora vai derivar na súa renaturalización. A opción de "eliminar a cobertura" do río no seu treito final, deixándoo "a ceo aberto", foi a avalada polo departamento técnico de Augas de Galicia e o goberno local disponse a aprobar o proxecto en pleno