Acontece

A Asociación de Directoras e Xerentes de Servizos Sociais vén de difundir o seu informe anual, que revela que o alcance e contía da RISGA e outras axudas están por debaixo da media estatal. A entidade reclama ao Goberno central que integre de maneira automática as persoas perceptoras destas rendas no Ingreso Mínimo Vital

As consellerías de Educación e Sanidade publican un documento de recomendacións que, partindo das guías difundidas pola Universidade de Harvard e o CSIC, aconsella incrementar a ventilación indicada no protocolo, renovando completamente o aire das aulas cada 10 ou 20 minutos e optando preferentemente por ventilación natural e só por ventilación forzada ou purificación do aire como últimos recursos.

O descenso de novos casos coincide cunha baixada na cifra de PCR que, malia seguir en máximos da pandemia, son ata o sábado unhas 9.000 menos que a semana anterior e seguen nunha taxa de positividade na contorna do 8%. O Sergas notifica outras cinco mortes que elevan o total a 981 e os ingresos ligados ao coronavirus en coidados intensivos son agora 89; a principios de outubro apenas superaban a trintena e nos primeiros días de setembro, a quincena

Os 60 concellos que a partir deste sábado teñen peches perimetrais rexistran 150.000 movementos diarios de entrada e 120.000 de saída. Os peches permiten os desprazamentos por motivos laborais, de estudos ou sanitarios pero poden levar a atascos de tráfico e atrasos.

Sanidade suma 666 novos casos do coronavirus, 639 diagnósticos mediante PCR, e a incidencia acumulada a 14 días descende por primeira vez dende hai un mes. A porcentaxe de probas PCR positivas segue na contorna do 8% e destaca a suba de positividade na área de Lugo, afectada polo brote detectado na residencia de maiores de San Cibrao

Dende o inicio da pandemia, o número total de infeccións entre os traballadoras e traballadores dos centros sanitarios e sociosanitarios de Galicia é de case 3.000, unha cifra que foi moi importante en marzo e abril e que se volveu disparar nas últimas semanas.

A Xunta aceptou, tras catro meses, remitir ao Parlamento a segunda parte do seu estudo de seroprevalencia do coronavirus, á que tivo acceso Praza.gal. Estima que apenas un 1,2% da poboación galega estivera exposta ao virus e inclúe unha conclusión dunha única frase: "O valor da prevalencia da positividade en Galicia é tan baixo que non se pode contar con practicamente ningunha protección derivada da inmunidade de grupo"

O Sergas suma 685 novos diagnósticos mediante PCR e un total de 722 novos casos. A incidencia acumulada a dúas semanas sitúase nos 340 e é a maior dende o comezo da pandemia. Cinco das 9 novas mortes computadas por Sanidade son de persoas que viviran en residencias de maiores, tres das cales faleceron nos propios centros. O número de persoas ingresadas nos hospitais galegos con test positivo xa se achega ás 600

A información que buscas está agora neste enderezo 👉 https://praza.gal/acontece/a-xunta-suprime-a-obriga-de-non-ir-ao-colexio-para-estudantes-e-docentes-que-convivan-con-casos-sospeitosos-de-covid

Todas as versións do protocolo educativo aprobadas pola Xunta ata agora ordenaban "non acudir ao centro" a estudantes ou persoal que convivisen con persoas "sospeitosas de padecer" a COVID-19 ata que o eventual positivo fose desbotado. Máis de 600 centros de ensino en Galicia suman 1.256 positivos do coronavirus  e un colexio de Vigo ten 9 aulas pechadas por esta razón