Acontece

O Sergas suma 760 novos casos da COVID-19 e outras sete mortes mentres o ritmo de novas probas volve a máximos da pandemia. A incidencia acumulada a 14 días segue por riba dos 300 casos novos por cada 100.000 habitantes no global de Galicia e a positividade media das probas PCR, na contorna do 8% porque as baixadas nas áreas de Ourense e Santiago nos últimos días contribúen a amortecer os empeoramentos noutras

Os novos confinamentos perimetrais entran finalmente en vigor ás cero horas do sábado, 7 de novembro, e a referencia para o seu remate é o 4 de decembro. As novas restricións xerais para toda Galicia están vixentes dende o 5 de novembro. Os peches nos 60 concellos con medidas reforzadas atinxen á hostalaría e outras actividades vinculadas ao lecer

Falamos con Isabel Ruso, presidenta da Asociación de Directivos de IES de Galicia (ADDIGA), á que lle preguntamos polo traballo desenvolvido polo profesorado e os equipos directivos para garantir o correcto funcionamento das clases presenciais e pola preparación dos centros ante a posibilidade de ter que recorrer á teledocencia.

As 563 persoas hospitalizadas, 80 delas na UCI, supoñen outro máximo na segunda vaga da pandemia. O Sergas suma 644 novos casos do corononavirus e o total de falecementos ligados á doenza sitúase en 951 tras rexistrar sanidade outras sete mortes

Nos concellos afectados polas medidas reforzadas, que Feijóo xustifica pola necesidade de "resetear" o sistema sanitario e "salvar a campaña de Nadal", terán que pechar todos os locais de hostalería agás para servizo a domicilio. As medidas estarán en vigor dende o día 6 ás tres da tarde

O subcomité do venres deberá decidir se os confinamentos perimetrais e as restricións de reunións para non convivintes continúan ou non alén dos 7 días aprobados; do día 9 en diante, Feijóo pode facer uso de competencias da prórroga do estado de alarma para decisións como modificar o toque de queeda

A aparición de dous positivos volve erguer as protestas pola inexistencia dun cribado entre os traballadores desde hai meses malia seren a "primeira trincheira" contra o coronavirus. Profesionais culpan das eivas á privatización dun servizo sanitario básico. 

A segunda onda da pandemia provocou xa 129 mortes nas residencias galegas, o 40% do total. Falamos con Francisco Xose Bernárdez Solla, presidente da asociación Vellez Digna e secretario de REDE sobre a situación xeral dos centros de maiores e as eivas que presentan as instalacións de DomusVi coma a de Ribadumia, intervida pola Xunta.

577 centros educativos teñen algún caso da COVID-19 entre o seu alumnado ou persoal, segundo a Xunta, que cifra os positivos en 1.181.

Dezasete das 21 mortes notificadas polo Sergas o luns producíranse nos tres días anteriores e o total chega así a 944. O número de casos novos do coronavirus rexistrados en Galicia acumula tres días de descenso ata os 448 notificados este martes, aínda que tamén son tres as xornadas de redución no número de probas PCR procesadas, cuxa positividade segue estable na contorna do 8%

O plan limítase a ser unha "folla de ruta" deste ensino a distancia, que se aplicaría -no caso dun novo confinamento domiciliario- en todos os cursos dende 3º de Primaria. As 'aulas virtuais' terán un horario semellante ás clases presenciais, controis de asistencia e tempos para a realización de tarefas