Acontece

Galicia suma 693 novos casos da COVID-19 e a taxa de PCR positivas rolda o 9%, porcentaxe máxima da segunda vaga pero un terzo da máis alta rexistrada en marzo. Sanidade confirma outros dous falecementos mentres a información do Ministerio, construída con datos da Xunta, reflicte unha vintena de persoas hospitalizadas máis que as indicadas polo Sergas a causa da COVID-19

Nas últimas 24 horas detectáronse 539 novos casos de coronavirus (525 diagnosticados por PCR), e a incidencia media supera os 232 casos en dúas semanas. Aumentan os ingresos hospitalarios, ata os 459, e tamén as mortes, 94 nos últimos 14 días. Ourense é a área con peores datos, pero Ferrol e Vigo aumentan con rapidez

Educación rexeitou a contratación de máis profesorado e optou por realizar unha obra urxente que, coa derruba dun tabique, permitiu unir dúas aulas, xuntando na mesma clase a 31 estudantes. Porén, as familias denuncian a incomodidade xerada por un espazo demasiado grande, no que os rapaces teñen problemas para seguir as explicacións

O último gromo no Hospital Provincial pontevedrés suma 27 afectados tras outros dous rexistrados en Montecelo nesta segunda vaga do coronavirus. Desde o inicio da pandemia, un mínimo de 2.458 profesionais foron afectados no país. 

O cómputo do Sergas rexistra 613 novos casos da COVID-19 e oito mortes máis, catro delas de persoas que viviran en residencias de maiores. A incidencia acumulada segue á alza e por riba dos 200 casos por cada 100.000 habitantes nos últimos catorce días, nos que destaca a aceleración na área sanitaria de Ferrol

Javier Fernández é a primeira persoa con dano cerebral adquirido que aproba unha oposición para persoas con discapacidade intelectual en Galicia. "Teñen que reciclarse e isto resulta unha carreira de fondo", explican dende as entidades que apoian a poboación con este dano, entre a que o desemprego rolda o 60%

O decreto do estado de alarma xa está en vigor, pero o Goberno contempla que durante a súa prórroga posterior ata maio as restricións nocturnas poidan ser decididas polas autonomías, que xa poden pechar os seus territorios

Malia ao aumento de casos, a porcentaxe de probas que resultan positivas mantense desde hai días arredor do 8%

BNG e PSdeG critican as probas masivas en farmacias e universidades por saír do sistema público de saúde ou por "utilizar estudantes en lugar de persoal titulado". Profesionais médicos e de enfermaría denuncian tamén ambas iniciativas.