Este 21 de xaneiro celébrase o Día Europeo da Mediación, un método alternativo de resolución de conflitos cada vez máis usado. O Colexio de Psicoloxía e o Colexio de Avogados reclámanlle á Xunta máis recursos para a incorporación deste procedemento. Falamos con Elena Miranda, de Enso Mediación
O plan do Concello de Santiago para a cidade histórica concreta o que xa advertira a Catedral: os fogos do Apóstolo non volverán á fachada do templo e tampouco ao Pazo de Raxoi tras causaren danos en ambos edificios históricos. "A efectos de garantir a protección do patrimonio (...) resulta imprescindible eliminar a celebración dos fogos (...)", di o documento sobre un espectáculo cuxas orixes se remontan ao século XVI
Traballadores do hospital comarcal e veciñanza mobilizada piden ao Goberno galego que se desculpe por "poñer en dúbida o labor dos profesionais". Feijóo anuncia un “consentimento informado e reforzado” para permitir os partos no centro.
O home, de 63 anos de idade e veciño de Paderne de Allariz, recibiu un disparo accidental dun dos seus compañeiros. Únese á morte dun mozo de 21 anos en Chandrexa de Queixa en decembro e a outros 14 sucesos mortais dende o 2007.
Os mariños mercantes que serviron baixo bandeira estadounidense serán condecorados coa Medalla de Ouro, a meirande distinción civil no país. Unha investigación revela datos sobre os emigrantes galegos que morreron en buques atacados por submariños nazis.
As obras na LU-231 poderían comezar nos vindeiros días a pesar de que a Asociación para a defensa do Patrimonio Cultural Galego presentou alegacións que aínda non foron contestadas. A entidade lembra o valor ambiental, paisaxístico e de seguridade viaria das árbores nas beiras das estradas.
A Oficina do Peregrino recibiu un total de 347.578 persoas; máis da metade chegaran a través do Camiño Francés. A Xunta reitera que estas "cifras históricas" seguen a ser "sustentables", se ben o propio plan estratéxico do Xacobeo advirte dos riscos de masificación
Todos os grupos, incluído o PP, votan a favor dunha modificación puntual do PXOM que protexe o espazo dunha hipotética privatización, como a que tentou levar a cabo a Autoridade Portuaria. O acordo reverte a manobra levada a cabo en 2013 polos populares, que modificaran a natureza pública deste solo
No 2018 os depósitos nas apostas presenciais chegaron aos 122 millóns de euros, fronte aos 146 millóns de 2017. A marxe de ganancia para as empresas foi de 26,7 millóns. Porén, o xogo online pode estar a mover preto de mil millóns de euros cada ano en Galicia.
