Acontece

A oficina estatística da Comisión Europea sinala Galicia por ter a "maior proporción de nacementos de nais de 40 anos ou máis", o que supón multiplicar por 2,5 a media da Unión Europea e destácaa como un dos territorios con menor natalidade

Os datos deste luns, tras a habitual caída de notificacións da fin de semana, sitúan en 194 os novos casos positivos da última xornada, por baixo dos 200 por primeira vez en dúas semanas

Nos últimos 15 anos máis de 200 escolas unitarias pecharon en Galicia. Porén, moitos docentes sinalan un incremento do interese das familias coincidindo coa situación xerada polo coronavirus. Falamos con Rosa Barreiro e Ángel Segovia sobre as características destes centros, marcados polo contacto coa natureza, as comunidades educativas sólidas e o traballo en grupo.

A situación no resto de Galicia é estable, aínda que Ourense e Vigo tamén están a incrementar os seus contaxios. No último día rexistráronse 223 novas infeccións e 5 novos falecementos, pero a incidencia acumulada é inferior á do inicio de setembro e tampouco aumentan as hospitalizacións

Pontevedra e A Coruña son os concellos máis afectados, por diante de Ourense e Compostela, aínda que un total de 39 localidades detectaron algún caso nos seus centros de ensino. A Xunta anuncia que a partir de agora informará diariamente dos contaxios e peches. Consulta a relación completa de casos e peches, concello a concello

Nas últimas dúas semanas rexistráronse 54 mortes de persoas infectadas. Os casos activos medran notablemente nas áreas sanitarias de Pontevedra e Vigo, mentres baixan ou non varían demasiado no resto.

As tres universidades galegas aplican protocolos estritos para evitar posibles contaxios, con medidas de control de accesos e rexistro. A Uvigo levará a cabo probas PCR mediante saliva a todo o seu persoal e tests aleatorios entre o alumnado. Algunhas facultades da UDC comezan o curso recorrendo ás clases telemáticas por mor da situación epidemiolóxica na Coruña

Sete dos incendios acadaron a consideración de grandes lumes forestais ao superar as 500 hectáreas, e en varios deles houbo que activar a Situación 2, nivel de alerta empregado cando están en risco zonas habitadas

O subcomité clínico acordou este venres levantar as medidas extraordinarias adoptadas nos concellos de Arteixo, A Guarda e O Rosal. Mentres, mantivo as xa existentes nos concellos de Santiago, Silleda, Lalín, Lugo, Poio, Pontevedra, Vilaboa, Marín, Ourense e en varios barrios do concello da Coruña