Acontece

A Asociación de veciños das Conchas, así como varios veciñas e veciños da Limia a título individual, e a Federación de consumidores y usuarios CECU presentan unha denuncia por vulneración de dereitos fundamentais ante o Tribunal Superior de Xustiza de Galicia pola "inviable" situación que viven desde hai máis de quince anos coa contaminación no encoro das Conchas, derivada da cría intensiva de gando porcino e aviar

O IGE publicou unha serie de indicadores sobre os propietarios das vivendas de alugueiro e os arrendatarios que permiten trazar un perfil sobre un e outro colectivo, con grandes diferenzas entre si. O 76% dos inquilinos son traballadores en activo, mentres que entre os arrendadores a porcentaxe baixa ao 47%. Cada caseiro aluga unha media de 1,5 vivendas.

A mobilización da veciñanza hai catro anos impulsou a promesa por parte do Concello da conversión dun centro escolar en desuso nunha residencia de maiores. Catro anos despois do anuncio, Xunta e administración local aseguran que abrirá as portas en 2026. 

Á acreditada inxustiza policial e xudicial sufrida pola betanceira, acusada falsamente do asasinato da filla da súa ex-parella, engadiuse un amplo sufrimento froito dun sinalamento público salferido de sensacionalismo e homofobia. "No meu corazón aínda necesito un perdón" do Estado, subliña unha emocionada Dolores Vázquez ao recibir o premio Úrsula Meléndez de Texeda de mans da alcaldesa, quen evidencia a tardanza en "recoñecer, honrar" e trasladar desculpas á "vítima dunha sociedade que en lugar de protexerte, te sinalou"

O consumo de cocaína en Compostela segue sendo elevado, con 610 miligramos por cada mil habitantes e día, pouco menos que o pico de 2023 e catro veces máis que hai unha década, segundo os datos do último estudo da UE sobre o consumo de drogas ilegais. No caso do cánnabis, o dato é o máis reducido dende que se realizan estas análises

Oito de cada dez prazas de residencias da terceira idade en Galicia están en centros privados. As súas traballadoras están chamadas a unha folga "por un convenio digno" na que a CIG tamén procura facer ver as súas condicións laborais. A "sobrecarga" física e mental deriva en baixas que, advirten, son "un artigo de luxo" con salarios de pouco máis de mil euros por mor dos descontos aplicados ao persoal que debe acollerse a elas, outra das claves da mobilización

Arredor de 5.000 persoas, segundo a organización, saen á rúa contra as eivas no Sergas. O PSdeG acusa o PPdeG de "facer un Mazón" ao organizar un xantar na mesma localidade e o mesmo día da mobilización. O BNG pide ao PP que "resucite e fortaleza" a sanidade pública. 

Fronte ao visto bo da Consellaría de Medio Ambiente, son moitas as alertas lanzadas nos últimos meses sobre os posibles prexuízos que a actividade da planta pode ter. Dende o modelo forestal e o impulso do eucalipto ata o efecto sobre o medio ambiente e a saúde humana e tamén as hipotéticas consecuencias para a economía local, por exemplo para as explotacións agorgandeiras ou o turismo.

Unha manifestación percorrerá este domingo Viveiro "pola resurrección" do sistema sanitario público nunha comarca epicentro desde hai anos das protestas contra as deficiencias no Sergas. A Xunta recoñece o déficit de profesionais pero asegura que é "responsabilidade directa" do Goberno central.