Cultura

A Deputación de Pontevedra lanzou unha iniciativa que busca visibilizar a todas as mulleres que traballan na industria musical: artistas, pero tamén sonidistas, produtoras, representantes ou programadoras. Inclúe recursos formativos, debates, un foro de consultas, un directorio de profesionais e tamén un programa de mentoría no que oito mozas pontevedresas traballarán dous meses con persoal especializado

O proxecto, que prevé completarse no ano 2023, inclúe a recuperación de cinco inmobles abandonados entre a rúa San Francisco e a Praza Vella, onde se instalará un complexo cultural e de servizos. O edificio levaba anos degradándose, ao igual que moitos outros espazos do barrio de Ferrol Vello

Dende hai uns días pode verse en todo o mundo a través de Netflix a segunda tempada de O sabor das margaridas, a serie que acadou un notable éxito internacional emitíndose na súa versión orixinal en galego. Falamos co seu creador, que destaca o impacto da etiqueta do Galician Noir: "é unha mágoa que tendo unha marca de prestixio internacional, aínda non se estea aproveitando"

'A illa das mentiras', de Paula Cons, leva cinco recoñecementos nunha gala na que tamén foron premiados Melania Cruz e Morris e na que Manuel Lourenzo recibiu o galardón de honra Fernando Rey

Os iogures levan a data da súa morte tatuada na pel. Que cruel condena. Que horrible destino. Deste feito parte El alemán, a peza que Diego Anido recuperou para os escenarios, tras unha proposta de Teatro Ensalle, máis de dez anos despois. 

O Goberno galego troca o nome do Centro Galego das Artes da Imaxe (CGAI) polo de Filmoteca de Galicia, no marco dunha mudanza dos estatutos da Axencia Galega das Industrias Culturais (Agadic) menor da que pretendía, criticada polo sector

A iniciativa da Mesa pola Normalización Lingüística que será debatida na cámara, propón unha canle 24 horas de programación infantil e xuvenil, ademais de que as restantes canles e plataformas dirixidas ás crianzas inclúan a opción do idioma galego, dobrado ou subtitulado

A obra escrita polo catalán Jordi Casanovas, un dos dramaturgos con maior proxección no panorama estatal, poderá verse no Teatro Principal os vindeiros días 7 e 8 de maio

Cinco anos de rodaxe no Macizo Central, gravando lobos salvaxes, deron para artellar o documental Entre pastores e lobos, de Manuel Pedrosa. Un traballo que analiza a convivencia entre este animal e o que queda do pastoreo tradicional a través das voces dos pastores e de biólogos expertos para propoñer, tamén, unha reflexión sobre o futuro do monte. A película proxéctase na MICE do Museo do Pobo Galego

Xa se pode ver na rede o primeiro capítulo de Xela Arias. A palabra esgazada, que todas as semanas publicará unha nova entrega. A produción percorre a vida e obra da poeta, tradutora e "traballadoras das palabras"