Sumrrá teñen novo disco, que é xa o sétimo tras máis de 20 anos de traxectoria. Chámase 7 visións e saíulles tan existencial como redondo. Tan plástico como fondo. Tan poético como heteroxéneo.
O Clube da Lingua do IES Marco do Camballón de Vila de Cruces, a Escola Semente de Compostela e a Comisión de História da Gentalha do Pichel presentaron o proxecto '10.000 decalcomanías da Galiza', que busca espallar dez deseños de tatuaxes temporais (calcomanías) que foman parte do imaxinario colectivo
Cuñados está a ser a revelación da tempada. Gravada e proxectada en galego, dende a súa estrea é o filme máis visto en Galicia e un dos dez máis vistos en todo o Estado, onde se exhibe en 135 salas. Falamos con Federico Pérez, que protagoniza a película xunto con Xosé A. Touriñán e Miguel de Lira.
O Consello da Cultura publica a sétima entrega do seu proxecto web “Historias de ida e volta”, que busca visibilizar o fenómeno migratorio coa documentación que atesoura o Arquivo da Emigración Galega. Céntrase na achega dos emigrantes ao fomento de escolas e da educación, clave para a transformación social do país hai un século.
O Consello da Cultura Galega publica 'As Irmandades da Fala no seu tempo: perspectivas cruzadas', unha obra que sitùa o movemento no seu contexto histórico e internacional, desde a perspectiva peninsular, europea e a dimensión americana da diáspora.
Chicharrón vén de publicar Unha fogueira intacta, o seu novo álbum, que volve ser, tras a volta da escuridade, esperanza. Confianza no que pode vir. Nos afectos. No colectivo. Malia as perdas, os retrocesos. Xunto cun son máis experimental e electrónico, quizais, ca nunca
Hai uns días o alcalde, Pérez Jácome, anunciou o encargo dun estudo de viabilidade económica para a externalización da xestión do recinto. 13 entidades veñen de difundir un documento que critica a medida e acusan o rexedor dunha "errática política cultural que parece afanarse en obviar os dereitos tanto da cidadanía coma do tecido produtivo cultural da terceira cidade galega"