Cultura

Lara Dopazo Ruibal regresou tras dous anos nos Estados Unidos cun libro de contos na maleta (e no maxín). O libro, Contos gringos, editado por Galaxia, é o resultado de ter tempo para escribir e de que escribir fose a única encomenda dos días que a autora pasou na ‘América profunda’, a que vota a Donald Trump; pero foi rematado nun 'retiro' na Residencia de Creación Literaria da Illa de San Simón organizada pola Xunta o ano pasado

As conclusións dos Encontros para a normalización lingüística destacan que grazas ao impulso de diversas iniciativas a presenza da lingua aumentou notablemente en lápidas, exequias e necrolóxicas. Iniciativas como En galego agora e sempre, unha mellor dispisición de clero e empresas funerarias e a maior concienciación da sociedade contribuíron a rachar o tabú existente

O sábado celébrase o Día Internacional do Patrimonio. Ponte nas Ondas entrega o venres 15 os premios do Certame Imaxes do Patrimonio en Vigo, que un día despois acolle o espectáculo Ponte de Patrimonio, gala do Patrimonio Inmaterial Galego-Portugués. O Consello da Cultura organiza en Navia de Suarna a xornada Soster o noso Patrimonio Cultural do Rural  e participa en Vilalba na I Xornada de Patrimonio Inmaterial.

A Asociación Cultural Ferrolterra Antiga vén de solicitar oficialmente ao Concello a súa restauración, que tamén é reclamada pola Société des Fontaines Wallace, con sede en París, entidade que traballa na protección das 200 exemplares existentes en todo o planeta. No Estado español tan só Barcelona e Donostia contan cunha destas fontes, instaladas no século XIX para garantir o acceso da poboación á auga potable.

“Poucas veces un ten a sensación de estar a facer o correcto, o que lle pide o corazón”.  Nacho Vigalondo aínda non superou o dó polo falecemento do seu amigo Miguel Ángel López González, o Hematocrítico, hai agora un ano; unha amizade que naceu en foros de internet  “de forma inocente” por partillaren gustos comúns en cinema ou música. Vigalondo subliña a dimensión da figura do Hemato. "Como é posible que o tío xerase tanto amor, tanto vitalismo e tanta actividade? Era como unha fábrica. Era como Willy Wonka e a fábrica de chocolate nunha soa persoa”, asegura. O cineasta cántabro participa no Hematofesti, festival de literatura e humor homenaxe ao escritor, mestre, tuitero ou guionista impulsado por Ledicia Costas e Alberto Vázquez. 

No Pazo da Cultura de Pontevedra, entre o 29 de novembro e o 1 de decembro, haberá preto de 200 actividades, con 100 expositores e 500 artistas. Poderase ver tamén o novo espectáculo de Magín Blanco (A nena e o grilo nun barquiño) e PuntoGal celebra o décimo aniversario do dominio galego cos concertos de Caamaño& Ameixeiras e do proxecto Pava de Lucía Aldao. 

Parlamento, Xunta, Consello da Cultura, universidades, deputacións, entidades culturais e tres concellos propóñense deseñar unha "celebración plural e diversa" en torno a "unha personalidade irrepetible, de alta transcendencia na historia contemporánea" do país

A segunda edición do Foro da Industria Galega do Audiovisual (FIGA) vai servir entre o xoves e o sábado para analizar a diversidade lingüística no sector audiovisual e, de maneira máis concreta, a situación da lingua galega. Falamos coa profesora da USC María Soliña Barreiro, responsable de contidos do Foro.

A edición número 38 do festival compostelán, presentado coincidindo coas eleccións nos Estados Unidos, inclúe no seu catálogo un gran número de títulos que convidan á reflexión sobre a democracia e as súas representacións na pantalla.  Entre o 7 e o 24 de novembro poderán verse en Santiago algúns dos filmes máis celebrados nos festivais de Cannes, San Sebastián, Venecia, Berlín, Sitges ou Locarno

O deseño que parece que non se ve pero está. Esta filosofía da profesión é a que comparten os tres estudios de deseño galegos que foron galardoados este ano nos premios Laus e Delta da asociación FAD (Foment de les Arts i del Disseny) de Barcelona, dous dos premios de deseño máis prestixiosos a nivel estatal. O traballo dos veteranos Cenlitros e Desescribir e do estudio Novagarda foi recoñecido nas categorías de gráfica do entorno, editorial, dixital e deseño industrial