Alfonso Zarauza fai trinta anos dedicado ao audiovisual cunha celebración tripla: as súas películas e curtametraxes pódense ver de novo en pantalla grande na sala Numax en Santiago, unha exposición percorre a súa carreira na Zona C de Compostela e recibirá o Premio Pedigree de Honor do Festival de Cans na súa XXII edición que se celebra do 20 ao 24 de maio
No marco da divulgación da súa vida e obra polo Ano Castelao, a RAG destaca o traballo tipográfico do artista e político como "unha das súas grandes achegas ao noso patrimonio gráfico". As letras deseñadas por Castelao forman "un conxunto coherente" co resto da súa vida e obra porque "comparte con eles as mesmas intencións políticas e de reivindicación da identidade galega", subliña a Academia
Xa non é noticia. As autoras volveron dominar a lista dos Premios Follas Novas, que celebraron onte a súa tradicional gala na que se entregaron tanto os premios por categorías literarias como aqueles que recoñecen a figuras do mundo da literatura, da edición e do sector libreiro
Di María Álvarez Landesa que cando chega a dor, ficamos espidas. A poeta e profesora publicou na editorial Alvarellos un poemario que acompaña a enfermidade terminal da súa nai, Os pozos elegantes das clavículas. O libro é finalista nos Premios Follas Novas, que se entregan este sábado, e sobre el conversamos coa viguesa nunha terraza fronte ao mar
Este sábado 26 de abril a Casa da Cultura de Lérez, parroquia pontevedresa na que viviu a familia Silvent, acollerá unha homenaxe ao iniciador da tradición, José Silvent. No acto, organizado pola Asociación de Funcionarios para a Normalización Lingüística, mudarase por outra en galego a lápida da tumba na que repousan os seus restos e os da súa dona.
Unha ollada feminista sobre a cultura tradicional galega uniu a Laura Varela, Iria Villares e Vanesa Siso, que se marcaron o obxectivo de recolocar o foco para ver de onde parte a tradición e quen foron as súas iniciadoras e mantedoras. O resultado é o documental 'Lévame a idea', no que participan Teresa dos Cucos, Felisa Segade, Sés, Mercedes Peón, Beatriz Busto, Branca Villares, Lupe Blanco, Xiana Lastra e as Lilaina, entre outras
O equipo de investigación que lidera o arqueólogo do CSIC Alfredo González-Ruibal estivo escavando en Somalia entre xaneiro e febreiro, en pleno enfrontamento dos Estados Unidos co ISIS na zona. Estudan a interacción entre as poboacións nómades do primeiro milenio despois de Cristo ao longo dos territorios do leste do Corno de África, e a relación destes nómades co resto do mundo
O 24 de xullo de 1985, vai facer agora 40 anos, a TVG emitía por primeira vez. Alí estaba Manuel Pampín, que levaba xa semanas traballando na estrea. Xubilado hai dous anos, repasa a súa traxectoria e a dos medios públicos galegos.
Salvaxe, salvaxe é un filme documental con vocación experimental que busca achegar o espectador á vida animal salvaxe coa que convivimos, a pesar de que cada vez sexamos menos conscientes. Emilio Fonseca asina a súa primeira longametraxe de cine, recoñecida en festivais como o de Málaga, onde recibiu a biznaga de prata ao mellor documental e o Play-Doc de Tui, que o premiou como mellor documental galego
"Repasando a súa biografía, como se mantivo nas causas máis populares no sentido do pobo, e tamén impopulares ou mal vistas polo poder –e mesmo por parte da esquerda–, compréndese o baleiro que deixou", di sobre Luz Fandiño o historiador Antom Santos, autor do libro 'A História da Luz: breve biografía política e conversa com Luz Fandiño', de Companha Editora
Ángeles Huerta presenta o tráiler do filme que se achega a dúas das etapas menos coñecidas da vida do político e artista: a súa intervención como médico durante a gripe de 1918 e a viaxe pola Bretaña tras a perda do seu único fillo