Cultura

A lingua galega só chegaba á porta das escolas, pero as escolas impoñían os valados da españolización, aínda moi fortes anos despois da desaparición biolóxica do franquismo. A partir de 1975 recomezouse a propoñer a necesidade de incorporar a lingua galega ao espazo social, dándolle lexitimidade, e por iso, apuntando igualmente á necesidade da súa incorporación ao sistema educativo, baixo o reclamo Galego na escola. Antón Costa debulla a loita polo ensino en galego nos últimos anos da ditadura.

O último home sitúanos na extinción da humanidade. O actor, poeta e dramaturgo Manuel Cortés volve á poesía e a leva a escena mesturada coa comedia, pois non podía ser doutra forma. Para esta nova aventura teatral conta con Borja Fernández na dirección, o espazo sonoro de Russ en directo, o espazo escénico de Carlos Alonso, o deseño de iluminación de Laura Iturralde, o vestiario de Elena Cortés e os audiovisuais de Samuel Cortés

O músico e investigador divulgará durante o ano das Letras Galegas dedicadas ás cantareiras 54 gravacións realizadas entre 1989 e 2011 con cantareiras de todo o país. "Pensabamos que eran un testamento da tradición, pero era algo que estaba vivo", resalta Xabier Díaz sobre a "escola de vida" que para el foi o contacto coas cantareiras, cuxa homenaxe "no pode chegar en mellor momento, nun tempo no que as herdeiras daquelas mulleres son as protagonistas dun novo rexurdimento da música de noso"

"Temos que celebrar a Castelao porque é o home que nos fixo e nos fará sempre mellores", asegurou Miguel Anxo Seixas Seoane, presidente da Fundación Castelao, este martes no acto cívico polo 75 cabodano do intelectual, político e creador galego que morreu no exilio en Bos Aires o 7 de xaneiro de 1950

Un acto no Panteón o vindeiro martes 7 de xaneiro dará inicio ao groso das celebracións, pero na web xa están dispoñibles diversos recursos, "ligazóns de calidade para coñecer a vida, obra e tempo" de Castelao

Antía Yáñez presenta unha historia que pode parecer distópica na que unha clínica de fertilidade provoca a catarse nas vidas de tres persoas que deciden actuar da maneira que menos se esperaría delas. O clan das barbies (Xerais) ten a extensión xusta para narrar como medra a espiral da violencia nestas personaxes porque para a autora a ficción está precisamente para contar o que na realidade non sucede. 

A sección arrinca coa presentación da celebración da académica Ana Boullón e mais unha tribuna do académico Antón Santamarina, que  destaca que o ano que empeza aspira a ser unha gran festa da cultura de noso na que “cantar para gañar galegofalantes”