Un documental de Manuel Darriba, Pacios, as fotos da memoria, percorre o traballo do fotógrafo sarriao Toño de López, que retratou os últimos habitantes desta aldea do Incio, na que se criou, como unha forma de recuperar o recordo do seu pai. Preséntase este mércores en Lugo, no salón de actos da Deputación.
Presentámosvos un adianto de Un mar de sensacións. Rutas e poemas para descubrir a Costa da Morte, un libro escrito a catro mans, por Rosalía Fernández Rial e Xan Fernández Carrera, que con poemas e roteiros percorre estas comarcas.
O grupo de promotores busca adhesións e comunicarase proximamente coa RAG para acada a necesaria homenaxe ao escritor, que se podería converter no primeiro dramaturgo homenaxeado coas Letras. “ Os tempos deberían ser chegados para ese xénero que segue sendo literario. Cincuenta anos pasaron polo 17 de Maio e trinta polo teatro galego e a súa profesionalización”, reivindícase no manifesto da campaña que xa apoiaron preto de 300 persoas.
Deulle e daralle ao rabo un ano máis o divertido can de palleiro que ten por icona o Festival de Cans no Porriño e que ornamenta todas as casas da fermosa aldea ao pé do val do Louro. Nesta novena edición, celebrada entre os pasados 23 e 26 de maio, o festival reafirmou a súa proposta enxebre, da terra e para o país, apostando por combinar a experiencia de padriños afamados coma Fernando González Gonzo, Antonio Durán Morris, Isabel Coixet, Eduard Soto ou Mabel Rivera, coa alta calidade nas curtametraxes proxectadas, moitas das veces, de artistas noveis á par que expertos.
“Somos un sector estratéxico e precisamos unha estratexia realizada con consenso entre a administración e o sector”. Así o dixo a presidenta da Asociación Galega de Produtoras Independentes (Agapi), Dolores Ben, na gala dos últimos premios Mestre Mateo. A Xunta recoñeceu o carácter "estratéxico e prioritario" do audiovisual na lei que regula o sector, aprobada por unanimidade no Parlamento no 1999. Entre os obxectivos do Consorcio Audiovisual de Galicia, creado despois ao abeiro desta norma, figura o fomento da "produción e da industria cinematográfica e audiovisual galega".
Despois de catro anos sen escoitar cancións novas de Projecto Mourente, Carlos Valcárcel, regresa con A Pior, que xa se pode descargar. Máis ritmos, máis bases, máis pop, máis guitarras, máis música en galego para poñer a bailar a todo o barrio. Despois de ir A Pior, xa todo pode ir a mellor
O escritor e o ilustrador traballan dende hai meses nun proxecto cuxas primeiras follas publica Praza en exclusiva. Trátase dunha historia de suspense que contará con 48 páxinas e que os creadores pretenden ter rematada o próximo ano
Laura no deserto (Galaxia) é unha novela que doe. Unha historia tan dura como real, tan valente como necesaria. O seu autor, Antón Riveiro Coello, tomou como punto de partida as memorias da militante comunista Mercedes Núñez para reflexionar sobre a culpa, a desmemoria e o silencio, o desamor e, sobre todo, a procura da identidade dunha persoa que conseguiu sobrevivir ao cárcere franquista e un campo de concentración nazi. O libro vén de ser recoñecido co Premio da Crítica á mellor novela en galego e co Premio de Narrativa da AELG.
Durante máis de dúas horas e media de intrépida e cativadora fuxida cara adiante, The yellow sea alcanza unha prodixiosa simbiose entre o thriller policial, o noir e o cinema de acción, que conflúen admirablemente para tecer unha espectacular epiderme que, porén, encobre en realidade un descarnado drama social. O filme poderase ver este venres 25 ás 20 horas no CGAI, nunha proxección promovida por Expotaku coa colaboración d'A Cuarta Parede.
Non é unha tarefa doada dirixir o Centro Dramático Galego nunha época de brutais recortes na cultura e constante conflito entre o sector e a Xunta. Manuel Guede reivindica, neste contexto, a súa experiencia como aval para afrontar a súa nova etapa á fronte do CDG -que xa dirixira durante 14 anos, cos gobernos de Fraga-, e promete erguer pontes para o diálogo, para así comezar a traballar. Asegura querer mirar ao futuro e non ao pasado, e estar xa á procura de fórmulas para que "a crise non poida con nós".
