Cultura

Tratamos de disolver a suxeición do antropoceno, de formar outros parentescos, de volver ao común dun río, dunha montaña, dunha araña. Con palabras coma estas explica Claudio Pato o sentido do seu último libro, corona* e a inxunción das n articulacións libres (Saurobuks). 55 ideas -el chámalles articulacións- que xurdiron da conversa entre o seu propio corpo e outros seres vivos ou obxectos cos que se relacionou durante o confinamento motivado pola pandemia.

O Museo Online de Cine Autobiográfico abre unha nova convocatoria para recibir fitas, dixitalizalas e incorporalas ao seu Arquivo de Cine Doméstico. Alén de preservar e poder visualizar esas imaxes coa calidade propia da tecnoloxía dixital, o arquivo tamén pretende asentar o seu "censo de coleccións" e poñelo á disposición de estudos e proxectos artísticos

A cooperativa Xarda realizou esta peza audiovisual para RadioFusión Emisoras na que conversa cunha lingüista e dous políticos locais dos Tres Lugaris (Valverdi du Fresnu, San Martiño de Trebello e As Ellas) sobre a realidade actual desta zona -repoboada por galegos e galegas no século XII- e da súa Fala.

Os Premios María Moliner recoñecen o labor dos concellos de menos de 50.000 habitantes. Nesta edición foron premiados proxectos de Ares, Carballo, Miño, Oleiros, Ortigueira, Ares, Verín, Barbadás, Cenlle, Esgos, Guitiriz, Sober, O Grove, Cambados, Soutomaior e Catoira.

Investigadora, creadora, directora e intérprete, Gena Baamonde leva moitos anos de traxectoria nas artes escénicas galegas como experta no estudo da representación das sexualidades que desafían a heteronorma patriarcal e os sexos binarios

O XVI Encontro de Embarcacións Tradicionais de Galicia desprega en Sada ata este 6 de agosto un amplo programa en mar e terra con navegacións, exposicións e visitas guiadas. O evento serve tamén para reclamar "políticas decididas" para preservar a frota tradicional ou oficios como os das redeiras e a carpintaría de ribeira

Alfonso Blanco, coordinador de Xermolos e alma de Pardiñas, resalta que nesta feira e festa da música e da arte collen "dende as crianzas ata os avós e avoas" para un festival "froito da colaboración". Caamaño e Ameixeiras con Caldo, Xisco Feijóo ou Rebeliom do Inframundo destacan no cartel musical deste ano

O ciclo ofrece nas vindeiras semanas unha programación variada e de primeiro nivel: Catuxa Salom, KYR4, Bejo, Lontreira, Faíscas e Xa'lum, Parquesvr, Júlia Colom, MOURA, Ben l'Oncle Soul ou Natalia Lacunza. Rap, tradi, folktrónica, rock, pop... Que o solpor nos atope bailando. Falamos con Catuxa Salom, unha das sensacións da música galega dos últimos meses, que actúa na Cidade da Cultura este xoves 3.

A investigación do CSIC 'PALCOS. Cultura material e festa na paixagem rururbana galega' está a estudar estes elementos, destacando que "en Galicia, os palcos de música constituíronse como verdadeiros símbolos da vida en comunidade que se tece ao redor da festa en moitas parroquias e lugares". Falamos co seu director, que nos fala do proxecto, que vén de iniciar un proceso colaborativo con entidades locais.

Dos múltiples proxectos de Montse Rivera, a Feira do Vestir ‘De Onte a Hoxe’, que celebra este 29 de xullo en Santiago a súa segunda edición, é un dos máis recentes. Outro, o máis coñecido, é Leilía, o grupo de pandeireteiras pioneiro no país, que se está a despedir tras 34 anos nos escenarios. Repasamos con Montse a súa traxectoria nunha conversa que serviu para reflexionar sobre a actualización da tradición do traxe, da música e do baile. 

A mostra internacional de banda deseñada celebrará a súa 26ª edición do 7 ao 13 de agosto con exposicións, charlas, cine, música, feira, obradoiros e seis exposicións. Destaca a atención ás autoras pioneiras e as homenaxes a Calpurnio e Ibáñez. Manuel Cráneo realiza o cartel deste ano.