A dramaturga e narradora oral Paula Carballeira recibiu do Ministerio de Cultura o Premio Nacional de Literatura Dramática 2023 pola peza teatral 'As alumnas', editada por Galaxia e levada a escena coa produción de Culturactiva, que recupera a memoria da mestra María Barbeito, represaliada co golpe de 1936, a partir do relato das súas alumnas.
O Castrillón é un pequeno recinto fortificado con "características únicas en Galicia" que os investigadores cren que podería tratarse do primeiro castellum da época romana documentado na Galicia occidental.
Os vindeiros meses permitirán unha achega profunda á figura de Luísa Villalta con motivo da escolla da Academia da celebración en 2024 do Día das Letras Galegas na súa honra. Isto é unha primeira achega, imos mirar cara á poeta coruñesa desde as perspectivas de quen escribe poesía hoxe, en concreto, da man de Antía Otero, Silvia Penas, Oriana Méndez, Nuria Vil, Arancha Nogueira e Antón Blanco.
Ser con. É o título dun dos proxectos de Nuria Sotelo: bailarina, coreógrafa, directora de Licenciada Sotelo e de Furia Sotelo, docente e impulsora do proxecto de creación artística no rural Casa Vella. Mais Ser con podería ser, tamén, o lema de todo o seu traballo. Ser cos demais. Construírse a través dos demais. Desde a interdependencia como parte do que nos define como seres humanos. Falamos con ela de toda súa traxectoria a partir da súa participación recente no Festival C, onde presentou con Clara Ferrao a peza Vestirme de ti, coa que anteriormente estivera no Galicia Escena Pro.
Cita coa cultura este sábado en Salvaterra do Miño. A clásica cita poético-musical do Condado contará este ano com Sés, Dakidarría, Fillas de Cassandra, Marga do Val, Séchu Sende ou Fermin Muguruza, entre outras, para celebrar os 50 anos de resistencia cultural da Sociedade Cultural e Desportiva do Condado.
Luís do Río revoluciona as redes cos seus vídeos preparando un pito de pastor, un asubiote ou unha pipa de herba. Consciente de que non importa o medio a través do que se aprenda, está a gozar compartindo coñecementos que chegaron a el a partir das experiencias de persoas da xeración dos seus avós nas súas aldeas, entre Ames e Outes. Con máis de 15.000 seguidores no Instagram, ten claro que se os seus vídeos cargados de sabedoría popular triunfan é porque sorprenden.
Chicharrón nacera para ser un grupo máis de luz que de escuridade, pero o autor das súas letras, Alberto Vecino, sufriu varias perdas que conduciron pola senda da tristeza. Ata este novo disco, O que nos queda por non dicir, co que veu a tranquilidade e a felicidade
Silvia Penide leva vinte anos de carreira na música e celébraos coa edición do seu primeiro disco de vinilo, Mientras dura el aplauso, unha recompilación de cancións das últimas dúas décadas a dúo con outras artistas como Guadi Galego, Ugía Pedreira, Eladio Santos ou Víctor Manuel, que só está dispoñible en formato físico. Para esta artista de Arteixo os concertos son espazos de conexión co público, que a acompaña e sen o que non tería sentido seguir facendo música.
LAR Legido ten unha longa carreira como músico tras unha batería, unha andaina chea de pequenas cousas que son, en realidade, cousas grandes que repasamos
A mestura de psicodelia, rock progresivo e tradición galego converte a Moura nunha das bandas emerxentes máis destacadas no Estado nos últimos tres anos. Unha proposta nova, pero que tamén mira aos anos 70 e máis atrás, e na que todo flúe á perfección. O vindeiro venres 25 actuarán na Cidade da Cultura no marco do ciclo Atardecer no Gaiás. Falamos con Diego Veiga.
O Museo Interactivo da Historia de Lugo acolle ata o 31 de agosto unha mostra dos mellores traballos da eurorrexión no último cuarto de século
Ribeira acolle este martes 15 de agosto a décima edición da celebración do Día das Galegas das Letras realizada pola plataforma de crítica literaria A Sega. As súas obras Elas, Mulleres na guerrilla antifranquista galega ou Irmandiñas deitaron luz sobre o papel xogado por un gran número de mulleres ata entón invisibilizadas