Cultura

Pava é o nome de primeiro E.P. de Lucía Aldao. E, tal como ela di, non podería ser outro. Porque é un disco feito por unha muller.

Da electrónica de Grande Amore ao blues de Nastasia Zürcher, do indie de Néboa ás artistas do proxecto Descúbreas, os galardóns promovidos por Músicas ao Vivo volven amosar a diversidade do sector musical galego. Fuxan os Ventos ergueron o público ao son de 'Sementeira' para recolleren o Premio Honoríico: "Non foi o único grupo galego cun alto compromiso social na época, pero si o que máis éxito acadou"

As entidades locais denuncian que o proxecto se limitará finalmente a unha sala de lectura sen libros, algo que nega o alcalde vigués, que critica as asociacións por "facer política"

A cooperativa audiovisual Xarda vén de iniciar a publicación de Na Terra Fonda, unha serie de cinco vídeos sobre a riqueza microtoponímica do país. No documental aparecen voces expertas e tamén de persoas que nos últimos anos recuperaron numerosos topónimos e afóndase nas causas que levan á perda destes nomes

Avelaíñas eléctricas (Néspera editora), a primeira novela de Sica Romero, é unha historia de desamor. Mais é moito máis ca iso. Un fondo retrato da psicoloxía e da traxectoria de vida das dúas personaxes principais, Mariña e Olivia. Xunto a unha reflexión sobre os porqués de comportamentos que non podemos comprender. Póndose, sempre, no lugar do outro. Unha primeira obra dunha autora que manexa a estrutura narrativa, a linguaxe literaria ou a construción de personaxes como alguén que hai moito que escribe. 

O Museo do Pobo Galego e a a Igrexa de San Domingos de Bonaval acollen este venres e sábado os distintos concertos e actividades dun evento que busca "rachar xéneros e etiquetas, en busca de músicas que van desde o electrónico ao folk, pasando polo pop, o rock ou o ambient, traballadas sobre sons clásicos e de raíz, e concibidas desde o local e a cultura propias"

O antigo CGAI recupera a súa actividade expositiva tras a reforma que serviu para modernizar a cabina de proxección e a sala José Sellier, unhas obras previstas para dous meses que se alongaron ata case un ano. Porén, segue sen cubrir a praza de director ou directora, tres anos despois da xubilación do seu último responsable, Guillermo Escrigas

'Facer Memoria' é unha iniciativa escénico vivencial da compañía Berrobambán, con Paula Carballeira e Chiqui Pereira á fronte, que busca un diálogo coa veciñanza de diferentes parroquias para poñer en valor a historia oral dos lugares

O pasado xoves finalizou o Congreso sobre o Reino medieval de Galicia, que buscaba "poñer fin á ocultación do Reino de Galicia" e axudar a divulgar esta realidade histórica. Falamos co historiador Anselmo López Carreira, curador científico do encontro

Formacións internacionais traerán as súas montaxes ao Galicreques do 8 ao 16 de outubro, que estreará unha obra da galega Cinema Sticado xunto á turca Tiyatro Eksen, en coprodución co Centro Dramático Galego