Medio cento de expertos elaboraron ao longo do pasado ano un informe de propostas de actuación no sector forestal galego, para evitar o abandono do monte e incrementar o seu rendenmento económico, loitando ao tempo contra o lume. Falamos cun dos coordinadores do proxecto, Alberte Piñeiro, xefe do Distrito Forestal IV-Barbanza.
Un estudo do Consello Regulador da Agricultura Ecolóxica de Galicia (C.R.A.E.GA) destaca que un 92% das e dos consumidores coñecen estes alimentos, e escóllenos "por saúde, para evitar os pesticidas e polo seu sabor" e "unha vez que os proban son fieis na súa compra".
O país supera a media estatal de cartos alleos ás canles legais, con Lugo á cabeza dende o inicio da crise. Os técnicos de Facenda alertan das graves consecuencias a longo prazo deste fenómeno, que analizan como "un problema moral" da sociedade.
Navantia construirá finalmente un flotel para a factoría mexicana, que encarga outro e cinco buques máis en Barreras, estaleiro que controla por 5,1 millóns de euros. É o resultado daquel acordo estratéxico no que Feijóo prometera a construción de 40 barcos.
A petroleira elixe a oferta de Barreras e Navantia logo de cinco atrasos e once meses despois da data de inicio de corte de chapa que anunciara Feijóo. A construción dará traballo durante máis de dous anos a unha quinta parte dos operarios do estaleiro ferrolán.
A administración galega era a sexta autonomía con máis déficit en novembro e superaba en dúas centésimas o obxectivo anual
O fallo obriga a Garavilla a reabrir a planta de Vilaxoán, pero a compañía négase a facelo e realizou unha contraoferta pola que o tempo de desprazamento ao Grove sería contabilizado dentro da xornada laboral.
O consenso acadado coas autonomías inclúe o de evitar detallar agora a creación das rexións agronómicas, das que dependerá a repartición dos fondos. Os sindicatos advirten de que os gandeiros poden perder ata o 35% dos cartos segundo a zona na que os encadren.
Desde que o PP recuperou o goberno en 2009, hai 164.000 ocupados menos, incrementouse en vinte puntos a taxa de desemprego xuvenil e dobrouse o número de fogares no que todos os seus membros activos están parados.
Os datos da EPA coñecidos esta semana confirman a urbe departamental como a cidade galega que máis está a sufrir a crise económica, con máis desemprego que calquera outra e unha taxa de ocupación de só o 30,1%, quince puntos por debaixo de Vigo.
A Asociación de Espacios de Coworking organiza este venres e sábado os Coworking Days, un evento de encontro e debate que acolle Magma Espacio, unha plataforma de traballo que botou a andar hai uns meses.