Economía

Os buques de artes menores no Cantábrico e os atuneiros conxeladores teñen unha idade media superior aos vinte anos

A compra masiva de forraxe para alimentar o gando prende as alarmas nas explotacións gandeiras. Os sindicatos agrarios ven "irrisorio" que a "única saída" que propón a Xunta sexa adiantar o pagamento das axudas europeas a través de avais a préstamos bancarios. 

A banca española reduciu o volume de crédito concedido en 12.873 millóns de euros o mesmo mes en que tivo acceso a unha liña de crédito de 500.000 millóns do Banco Central Europeo. É máis rendible o financiamento aos concellos para os pagos a provedores e a compra de débeda soberana que o financiamento a familias e pemes

"Enterámonos de que había necesidade de sangue e decidimos doala". Os empregados da multinacional seguirán mobilizándose con accións de protesta e solidarias para garantizar a actividade na factoría coruñesa. "Que non che rouben o sangue, dóaa", foi o seu lema para este luns

Ao incremento do PIB rexistrado durante o pasado ano sumouse unha caída na remuneración dos asalariados. Fronte a unha menor remuneración da forza laboral se produciu unha suba considerable do beneficio empresarial

Segundo a Comisión Europea, o linde de rendibilidade dun aeroporto conséguese ao superar o millón e medio de pasaxeiros cada ano. Dos tres aeroportos galegos só o de Lavacolla, en Santiago, supera esa cifra. Dos 49 aeroportos cos que conta Aena na súa estatística anual, só 17 serían rendibles. Galicia foi, segundo a Comisión de Competencia, a terceira comunidade que máis fondos lles destinou ás aeroliñas en convenios "turísticos" ou de "publicidade" con 22.697.448 euros entre 2007 e 2011.

Un estudo coordinado polo afamado economista Barry Eichengreen, de Berkeley, demostra que os periodos prolongados de caída da actividade económica aumentan a simpatía cara formacións antisistema de extrema dereita ou cara as súas mensaxes. Próbao con datos da Gran Depresión dos anos 30. Outro estudo de Markus Brückner aplica esa mesma teoría á actualidade

O Consello de Ministros aprobou este venres a extinción da Sociedad Estatal para la Promoción y Atracción de las Inversiones Exteriores, S.A, unha sociedade pública mercantil creada ao abeiro da lei 33/2003. A web é investinspain.org, aínda que tamén existe unha páxina específica sobre Galicia

O pasivo total da administración galega superou os 7.000 millóns de euros o ano pasado, 848 millóns de euros máis que en decembro de 2011. A débeda pública total española ascendeu a 734.961.000.000 euros. Hai 14.593 millóns en préstamos a curto prazo

“O conselleiro deu largas e condicionou todo aos acordos aos que cheguen os presidentes da Xunta e do goberno central", coincidiron desde a CIG e CCOO. Os traballadores piden carga de traballo e financiamento para un dique flotante

As anotacións na libreta de Joaquín Varela, requisadas e engadidas ao sumario da Operación 'Campeón', deixan ver que en abril de 2010, un ano antes de terse producido o plan de liquidación, a intención do Igape era a de facilitar a adxudicación da conserveira a Grupo Consorcio. Este holding non crearía a súa filial galega ata un ano máis tarde

Segunda xornada da marcha dos delegados dos estaleiros e as auxiliares de Ferrol e Fene. A piques de chegar a Santiago, aseguran ter "forza e ánimo" para "loitar pola supervivencia dun sector e dunha comarca enteira"