Entre o 13 e o 19 de novembro o barco percorreu uns 437 quilómetros fronte ao litoral con rumbo errático e entre declaracións dos representantes dos gobernos galego e español que tentaban negar ou minimizar a catástrofe. Reconstruímos ese percorrido
"Empezouse collendo eses cachos, como se foran talladas, coas mans". Os primeiros en recoller o chapapote foron os mariñeiros. Na Arousa saíron centos de embarcacións a pesar do mal tempo, pero na Costa da Morte "na primeira marea negra non deu tempo absolutamente a nada”.
O capitán do Prestige foi enviado a prisión preventiva aos catro días do accidente baixo fianza de 3 millóns, acusado de delitos contra o medio ambiente e de desobediencia. Mangouras acabou sendo condenado a dous anos e nove meses de prisión. Logrou non ter que volver á cadea, pero foi en todo caso a única persoa que pisou o cárcere por mor da catástrofe
A xestión da catástrofe do Prestige desencadeou unha profunda crise na Xunta de Fraga que derivou na defenestración de Xosé Cuíña e no desembarco de Feijóo como home forte do gusto da dirección de Aznar, que reduciu as voces críticas co acontecido a cans "ladrando o seu rancor polas esquinas". Tras as municipais de 2003, algunhas análises consideraran que os populares non sufriran conscuencia electoral ningunha, pero comezara un devalo que desembocaría na perda do Goberno galego en 2005
O presidente da Deputación da Coruña e secretario xeral do PSdeG-PSOE, Valentín González Formoso, participou en Camariñas nunha homenaxe aos voluntarios e voluntarias. Comparou “a manipulación e a mentira” dos que, mentres o chapapote cubría o mar, “negaban a marea negra e falaban de hilillos de plastilina ou galletas de fuel” coa recente xestión da pandemia por parte do Goberno de Pedro Sánchez
Na celebración do 20 aniversario do Prestige, o Bloque lembrou a mobilización social que seguiu ao afundimento do petroleiro. A formación propón tamén a creación dun servizo público e a construción dun heliporto na Costa da Morte e alerta de que "permanece" o risco de que reproduza un desastre medioambiental no litoral
O litoral atlántico galego amosou unha gran capacidade para rexenerarse, de xeito que cinco ano despois do desastre, a produtividade biolóxica case recuperara os niveis previos á catástrofe. Pero colectivos ambientalistas como Adega, Greenpeace ou Ecoloxistas en Acción advirten do risco "doutro Prestige en calquera momento" e reflexionan sobre o impacto na crise climática global dos combustibles fósiles como o que transportaba
O 19 de novembro os protagonistas daquela loita protagonizarán un coloquio que se completa cunha exposición fotográfica de Víctor Mejuto e a proxección do documental 'Carcamáns', de Marcos Nine. "Se a catástrofe é incualificable, impresionante foi a resposta social. Na Illa bateeiros, pescadores, mariscadoras e voluntarios traballaron xuntos en primeira liña", destaca o Concello
Cuando el mar se quedó mudo, realizado por Carne Cruda, e Prestige, todas as chamadas. Todas as voces: Toda a verdade, de Sonora afondan en varios capítulos no desenvolvemento da catástrofe do petroleiro. Así mesmo, o Fálase desta semana tamén se detén nas palabras que marcaron a traxedia e a mobilización social posterior.
O 13 de novembro a plataforma presenta o documental '20 anos de dignidade', dirixido por Xosé Aragunde, lembrando un tempo no que Galicia "rompeu clixés". Sinala que a presión social logrou avances, mais sinala que persisten "perigos" nos buques que transportan mercadorías perigosas con bandeiras de conveniencia e insiste na necesidade de vixiar o estado dos restos do petroleiro, onde "segue habendo 1.100 toneladas de fuel"
A Asociación Cultural Unha Gran Burla Negra vén de lanzar unha iniciativa para a creación dun glosario que reúna as palabras e expresións que marcaron a protesta social contra a xestión política da catástrofe do Prestige.
A obra xira ao redor do afundimento do petroleiro e recupera "a memoria de todas as persoas que se mobilizaron para defender o noso mar e a nosa dignidade como pobo"