O sector galego da hostalería vólvese mobilizar para reclamar un "plan de rescate" que compense os efectos dos peches obrigados pola pandemia. Nunha manifestación polas rúas de Santiago que estas asociacións empresariais consideran "histórica", os hostaleiros esixiron "unha solución global que nos permita traballar cuns criterios claros" e axudas "para as persoas e negocios que desde o criterio sanitario non teñan condicións de poder desenvolver a súa actividade". (Foto: Hostalería Compostela)
Fálase
Hungría e Polonia bloquean o Orzamento da Unión Europea e con el, os fondos de reconstrución para a crise da COVID-19 por vir ligado ao cumprimento do Estado de Dereito (Imaxe © European Union)
Cinco días despois de aparecer esnaquizado un cruceiro galego en Madrid a presidenta da comunidade relaciónao cun suposto ataque contra a relixión e Feijóo reacciona prometéndolle un novo.
Marrocos e a Fronte Polisario combaten novamente tras 29 anos de alto o fogo no Sahara Occidental. A ocupación pola forza por parte de Marrocos do paso fronteirizo con Mauritania de El Guerguerat, bloqueado previamente por activistas saharauís que pedían á ONU o prometido referendo de autodeterminación, foi vista pola Fronte Polisario como unha ruptura do alto o fogo. En contestación, forzas saharauís atacaron nas últimas horas varios postos militares marroquíes ao longo do muro que cerca o territorio ocupado por Rabat desde 1975. [Imaxe divulgada polo Polisario na súa conta de Twitter @Polisario_]
O Porto de Vigo inaugura unha escultura aos soldados retornados da Guerra de Cuba. A obra foi encargada por 150.000 euros a José Molares, o autor da figura de Verne xa existente nos peiraos vigueses. A entidade que preside o popular Enrique López-Veiga tamén prepara unha exposición sobre a chegada a Vigo dos soldados que se desenvolverá de decembro a marzo.
Os Franco solicitan adiar a entrega do Pazo de Meirás e reclaman o traslado das esculturas do Mestre Mateo, unha petición rexeitada xa pola Xunta de Galicia.
O Concello de Pontevedra inicia o proceso para retirarlle a rúa a Juan Carlos I e darlla a Virxinia Pereira. O goberno local argumenta a “vida pouco edificante do Rei emérito” e louva a figura da dona de Castelao, “garante do seu legado político e artístico”.
Coincidindo co 18 aniversario do Prestige, VINTE ofrece de balde durante esta fin de semana a película Encallados, de Alfonso Zarauza. A historia sobre a imposibilidade de facer unha película sobre o Prestige é un título de referencia do director, que estes días recibe o Premio Cineuropa 2020 e presenta a súa nova longametraxe, Ons, no Festival de Sevilla.
O Parador da Costa da Morte, froito daquela catástrofe, incorpora a carta náutica do accidente do Prestige no seu 18 aniversario. Elaborada José López Redonda (Pepe de Olegario), mariñeiro xubilado, o mapa súmase a outros dez existentes no Parador que contan as historias doutros naufraxios na costa galega desde o século XVIII.
A Xunta decide o incremento das restricións en toda a comarca de Bergantiños (agás o concello da Laracha) e tamén no Concello de Ribadavia. Estas localidades pasan a estar no nivel 3 de restricións, o mesmo no que se atopa a maior parte da Galicia urbana. Máis información nun intre en Praza.gal.