O Parlamento galego aproba por unanimidade unha declaración institucional en memoria das vítimas do Holocausto, coincidindo co aniversario da liberación do campo de exterminio de Auschwitz por parte das tropas soviéticas. A declaración aprobada por PP, BNG e PSdeG lembra a colaboración "do ditador Francisco Franco co nazismo alemán", que provocou o envío aos campos de concentración nazis de 10.000 republicanos españois, 200 deles galegos
A Plataforma para a Defensa da Cordilleira Cantábrica, que reúne máis dun cento de entidades sociais e ecoloxistas, presenta o vídeo da campaña Aquí Non coa que se reclama a exclusión das áreas de alto valor ambiental da implantación de novos complexos de aeroxeradores. No vídeo participa un gran número de galegos e galegas do ámbito universitario, literario ou musical, como Olga Novo, Manuel Rivas, Uxía, Xurxo Souto ou Xavier Simón.
O arcebispo de Santiago emitiu este mércores un decreto para “a suspensión de todas as procesións e actos confrades” da Semana Santa na vía pública e mantén as celebracións litúrxicas “tendo en conta en cada momento as disposicións das autoridades sanitarias”. [Imaxe: Arcebispado de Santiago]
A CIG formalizou este mércores a convocatoria dunha folga de mulleres o vindeiro 8 de marzo. Será, ao igual que en anos anteriores, un paro de 24 horas en todos os sectores que busca “rachar coa hipocrisía e a banalización na que se estaba a converter a celebración de datas senlleiras vinculadas cos dereito das mulleres, recuperando o carácter reivindicativo e de clase que ten o 8 de marzo”, sinala o sindicato.
Véñen de publicarse no Diario Oficial de Galicia as novas restricións contra a COVID, que entran en vigor esta medianoite e que terán unha duración de cando menos tres semanas. As medidas, que afectan a toda Galicia, supoñen o peche perimetral individual de cada concello, a clausura total da hostalaría, o peche do comercio “non esencial” ás 18 horas e a prohibición de xuntanzas de persoas non conviventes.
Carolina Darias será a nova ministra de Sanidade en substitución de Salvador Illa, que dimite para concorrer como candidato do PSC ás eleccións catalás. Será remudada á fronte do Ministerio de Política Territorial por Miquel Iceta. Así o vén de anunciar o presidente do Goberno de España, Pedro Sánchez, na que supón a primeira mudanza na composición do Executivo de coalición do PSOE e Unidas Podemos dende a súa formación, en xaneiro de 2020.
O Burela Pescados Rubén, elixido mellor club feminino do mundo, ao superar o Benfica na votación dos Annual Futsal Awards. A galega Vane Sotelo ocupa o cuarto lugar no rnking de mellores xogadoras´.
O Parlamento aproba os Orzamentos da Xunta para 2021, máis de 11.500 millóns acadados grazas á suba de fondos estatais, da UE e débeda. Esta tarde apróbase tamén a lei de acompañamento coa que se modifican outras 26 normas de todo tipo. Aquí podes consultar todo o que fomos analizando das dúas normas. [Imaxe: Parlamento de Galicia]
A Xunta inclúe Castela e León na obriga de control polo coronavirus de viaxeiros que cheguen a Galicia, da que segue fóra Asturias. Portugal mantén a obriga pero xa non Francia, nunha actualización da anterior listaxe, do 8 de xaneiro, que Sanidade volve realizar novamente máis tarde dos 15 días de prazo máximo que se deu a si mesma.
Falece o alcalde de Cangas, Xosé Manuel Pazos. Pazos, de 63 anos, padecía cancro. Era rexedor da vila dende 2015 por Alternativa Canguesa de Esquerdas, mestre de profesión e tiña unha ampla traxectoria no ámbito teatral como dramaturgo, actor e director.
