Fálase

O 7 de xaneiro de 1950, hai hoxe 74 anos, finaba en Bos Aires Alfonso Daniel Rodríguez Castelao. O seu cabodano foi celebrado este domingo en varios lugares de Galicia, especialmente na súa vila natal, Rianxo, onde o BNG celebrou un acto de homenaxe.

• O Estado recoñece e repara a Castelao na homenaxe ás vítimas da represión á que rexeita ir Feijóo
• ENTREVISTA | Miguel Anxo Seixas: "Castelao é unha liña recta. Eticamente non hai nada que reprocharlle"
• REPORTAXE | O legado da emigración na Arxentina vira en eterno na sede do Centro Gallego malia a súa venda

La Voz de Galicia publica este domingo unha enquisa de intención de voto para as eleccións ao Parlamento galego do vindeiro 18 de febreiro. O PP mantería a súa maioría absoluta, aínda que perdería apoios e tres deputados. O BNG seguiría a liderar a oposición, mellorando un escano, o mesmo que o PSdeG. Sumar entraría no Parlamento cun representante.

• Podes consultar aquí todas as sondaxes publicadas dende a convocatoria das eleccións

A Delegación do Goberno en Galicia asegura que informou a Xunta da vertedura de 'pellets' de plástico o pasado 20 de decembro. En concreto, traslada que o xefe do servizo de Salvamento Marítimo de Fisterra comunicou ao subdirector do servizo de Gardacostas a chegada destas pequenas bólas de plástico procedentes dun contedor que navegaba en augas de Portugal. [Fotografía: Noia Limpa]

• A crise dos 'pellets': a Xunta activa agora o plan anticontaminación entre críticas pola demora e a "inacción"
• Do contedor perdido ao risco futuro: pequenas bólas de plástico seguen a esparexerse pola costa galega

A ONU apercibe a mineira de San Finx e o Estado polas súas denuncias "abusivas" a Ecoloxistas en Acción. Segundo Nacións Unidas, a empresa emprega as demandas para "intimidar as persoas defensoras do medio ambiente". 

• O director de Minas da Xunta de Feijóo insiste ante a xustiza en avalar informes de San Finx que a acusación cre "falsos"

Pachi Vázquez rexistra unha coalición entre Espazo Común e Unidade Local para presentarse ás eleccións galegas do 18F nas catro provincias. O ex-secretario xeral do PSdeG e actual concelleiro de Espazo Común no Carballiño conta con que se sumen máis formacións. 

• HEMEROTECA | Pachi Vázquez é absolto na causa por prevaricación pola que deixou o Parlamento 

Os bombeiros de Vigo anuncian que non participarán na Cabalgata de Reis pola "alarmante falta de persoal". Será a primeira vez que o persoal non percorrerá as rúas da cidade, tal e como explica Vigo sen Bombeiros, colectivo apoiado por CCOO, CUT, CIG e UGT. 

Fillas de Cassandra presenta un novo espectáculo que só existirá no directo, Últimas Dionisíacas, que verá a luz o 16 de febreiro en Vigo. O dúo formado por María SOA e Sara Faro, que vén de xirar polo país co seu disco debut, Acrópole, presenta unha nova proposta escénica e musical que supón "un convite ao festexo colectivo e catártico" e na que estarán acompañadas polas músicas Tania Caamaño e Marina Vidal, coa axuda de Berto na produción. O hall do Auditorio Mar de Vigo acolle a posta en escena, coas entradas xa á venda. 

• ENTREVISTA EN VINTE| Fillas de Cassandra: «Queremos permitirnos errar»
• Un récord de votación outorga a Fillas de Cassandra o premio aRi[t]mar a Mellor Música do Ano en Galicia

A Xunta colabora coa plataforma de vídeo a demanda en liña Filmin e crea un apartado monográfico con películas, series e curtametraxes de autoría galega, xunto con filmes que se poden ver dobrados ou subtitulados ao galego. A canle Cinemas_GAL recompila pezas audiovisuais dispoñibles na plataforma e agrupa os contidos en categorías como 'éxitos recentes do cine galego' ou 'o mellor cine europeo en galego'. Poden verse filmes estreados en 2023 como Matria, de Álvaro Gago, ou películas como O que arde, Lúa Vermella, O corpo aberto, Dhogs, 9 Fugas, Nación, Valentina ou Dorothè na vila. 

Sumar Galicia promete poñer en marcha un metro lixeiro nas áreas metropolitanas de Vigo e da Coruña "antes do remate da vindeira lexislatura". A formación prevé o inicio das obras en 2026 e anuncia que creará unha Consellería de Mobilidade no caso de formar parte do novo goberno da Xunta. 

Interrumpido o tráfico na liña ferroviaria Ferrol-Oviedo tras impactar un tren contra unha árbore no Vicedo. O accidente non provocou feridos aínda que os ocupantes do ferrocarril permaneceron máis de dúas horas atrapadas.