Fálase

Máis dunha vintena de personaxes do cómic pódense ver xa polas rúas da Coruña, dende o Spiderman do Obelisco ao Superman que dá a benvida á cidade dende un paso elevado na Avenida da Vedra, pasando por Os Simpsons, Hellboy, Esther, Blacksad, Corto Maltés ou Groucho, distribuídos por distintos escenarios da urbe herculina. O vindeiro luns comeza o Viñetas deste o Atlántico, que este ano inclúe por vez primeira unha figura dun personaxe do cómic galego, o Gaspariño do Xaquín Marín, que presidirá as sesións do ‘Viñetas Late Night’ no Teatro Colón.

• Akira Toriyama e o 'Gaspariño' de Xaquín Marín, protagonistas do Viñetas que confirma A Coruña como "a cidade do cómic"

A pontevedresa Antía Jácome finaliza sexta a final do C2 500 con María Corbera, polo que obteñen diploma olímpico. Jácome aínda terá unha derradeira oportunidade de subir ao podio este sábado nas probas finais do C1 200.

• O K4 de Arévalo e Germade conquista o bronce en París

A pontevedresa Antía Jácome clasifícase para a final do C2 500, que se celebrará ás 12:50 horas. En cambio, no K2 500 a tamén pontevedresa Carolina García e Sara Ouzande non puideron pasar da semifinal, na que foron sextas; ás 13 horas terá lugar a súa final B. Tamén quedaron fóra da final Carlos Arévalo e Rodrigo Germade na carreira do K4 500, ao ser quintos na súa semifinal. O pontevedrés Pablo Crespo, de só 22 anos, caeu igualmente na semifinal do C1 1000

• O K4 de Arévalo e Germade conquista o bronce en París

O Ministerio de Sanidade alerta de risco alto para a saúde este venres por altas temperaturas en toda Pontevedra. A maioría das provincias da Coruña e Ourense presentan risco medio. Meteogalicia avanza para este sábado un aviso laranxa por altas temperaturas ao longo do val do Miño en Pontevedra e Ourense

• Dos 25,5 graos na Mariña aos 37,5 en Ourense: cando a calor fai saltar a alerta sanitaria

Salvador Illa xa é o president da Generalitat de Catalunya. O socialista resultou investido no Parlament con maioría absoluta (68 votos a favor e 66 en contra), grazas ao acordo con ERC, pero tamén contou co apoio dos Comúns. Finalmente, Carles Puigdemont non apareceu no hemiciclo –a pesar de presentarse en Barcelona na mañá deste xoves– e cando foi citado para votar resoaron os aplausos do grupo de Junts. [Imaxe CC-BY-SA TV3]

Terceiro galego falecido no naufraxio do buque 'Argos Georgia' nas Malvinas. O Goberno de España confirma que un veciño de Noia é o terceiro mariñeiro falecido no sinistro, sendo os outros dous de Vigo e de Baiona. Nun inicio, o noiés figuraba como desaparecido. De momento, na listaxe de desaparecidos aínda está outro mariñeiro de Ribeira. O naufraxio tivo lugar o pasado 23 de xullo e, segundo as últimas informacións oficiais, saldouse con dez mortos, tres desaparecidos e catorce superviventes. [📸 O Argos Georgia, nunha imaxe da armadora © Argos Froyanes]

• HEMEROTECA | Dous galegos falecidos e dous desaparecidos no naufraxio do Argos Georgia nas Malvinas

O betanceiro Carlos Arévalo e o cangués Rodrigo Germade acadan a medalla de bronce no K4 500 masculino, carreira na que a embarcación española foi terceira detrás de Alemaña e Australia.

• Comeza o piragüismo, no que Galicia acadou medalla nos últimos cinco Xogos Olímpicos

O K4 500 de Teresa Portela, Carolina García e Sara Ouzande finalizou sexto na súa final, polo que as palistas galegas obteñen diploma olímpico

Diego Domínguez, piragüista madrileño con licenza galega (pertencente ao Club CMDC Breogán do Grove) e considerado DGAN (Deportista Galego de Alto Nivel) acada a medalla de bronce no C2 500

Os Mossos buscan a Puigdemont, desaparecido logo de dar un discurso a primeira hora a carón do Parlament de Catalunya, onde se desenvolve a sesión de investidura do socialista Salvador Illa. [Imaxe: Junts]

• HEMEROTECA | O PSC de Salvador Illa gaña as eleccións en Catalunya e o soberanismo perde a maioría