Ante a demora de Talgo en entregar os trens Avril, Renfe anuncia 2.000 prazas por semana entre Galicia e Madrid a 25 euros do 1 de abril ao 6 de maio. Renfe comezará a vender os billetes o vindeiro luns e deberán adquirirse cunha antelación mínima de 10 días respecto da data da viaxe.
Exército Mekemeke, o videopodcast conducido por Carlos Vieito acompañado de Lidia Veiga e Miguel Abad que sae desde Ames para o mundo, finalista nos III Premios Ondas Globales del Podcast na categoría de 'Mejor podcast en Lengua Cooficial del Estado'. Este programa galego cargado de humor compite con propostas dos medios públicos de Catalunya, Euskadi e Illes Balears.
PSOE, Junts e ERC pactan unha lei de amnistía para "todas as persoas" ligadas ao procés que din "conforme coa Constitución" e "os mellores estándares europeos e internacionais". O texto coñecerase e votarase este xoves na Comisión de Xustiza do Congreso. Na imaxe, de arquivo e publicada pola Moncloa, Sánchez e o presidente da Generalitat.
O DOG publica os resultados oficiais do 18F e a relación de deputadas e deputados proclamados electos.
O Consello de Ministros autoriza a obra que conectará a alta velocidade galega coa do norte da Península sen pasar por Madrid. A actuación, de 8,2 quilómetros e 38,4 millóns, permitirá unir en Olmedo (Valladolid) a liña Galicia-Madrid coa que vai a Valladolid e desde alí a Asturias ou Euskadi.
Facebook e Instagram sofren unha caída xeneralizada en todo o mundo. As redes sociais de Meta impiden o acceso ao servizo sen que polo momento a empresa indicase a causa. [Imaxe: Dawid Sokołowski / Unsplash]
Wael Al Dahdouh, Pablo González, Nilufar Hamedi e Elahe Mohammadi e Fran Sevilla, candidaturas do Premio Couso, organizado polo Colexio Profesional de Xornalistas de Galicia e o Club de Prensa de Ferrol, que chega á súa vixésima edición.
Falece o mestre e escritor vigués Alfonso Álvarez Cáccamo aos 71 anos. Profesor no CPI de Panxón (Nigrán) ata que se xubilou no ano 2011, Álvarez Cáccamo publicou unha extensa obra narrativa e tamén poesía, así como numerosos artigos en prensa. Recibiu o Premio Xerais de Novela en 1990 por As baleas de Eduardo Reinoso, o premio Café de Catro a Catro de Novela por Peito de vimbio, ou o galardón Manuel García Barros de Novela pola obra O Espírito de Broustenac, entre outros recoñecementos. [Fotografía de arquivo de Edicións Xerais de Galicia]
PARO REXISTRADO | As inscricións nas oficinas de emprego diminuíron un 0,40% en Galicia durante o mes de febreiro (-518 persoas) e quedan en 130.583, isto é, 13.509 menos que hai un ano (-9,38%, máis de tres puntos por riba da media estatal, que foi do -5,17%) e outra volta a cifra máis baixa da serie histórica. No mesmo mes, a afiliación media á Seguridade Social aumentou en Galicia en case 4.500 persoas (+0,43%) e chega aos 1,06 millóns de cotizantes, 19.194 máis que no mesmo mes de 2023 (+1,85% e na media estatal, +2,67%).
A conselleira Ángeles Vázquez insiste en que a Xunta non aplicará "de oficio" a lei para limitar os prezos dos alugueiros pero asegura que "estudará as solicitudes que cheguen dos concellos". A conselleira de Medio Ambiente, Territorio e Vivenda insistiu nunha entrevista na Radio Galega no dito esta mesma semana polo presidente Rueda, que responsabilizou os municipios.
