Quebra o xigante turístico británico Thomas Cook e o Reino Unido vese obrigado a unha repatriación masiva de pasaxeiros por todo o mundo. O Ministerio de Industria e Turismo asegura que está a avaliar o impacto na industria turística española da caída desta compañía, a máis antiga do sector no Reino Unido.
Dúas das principais empresas de traballo temporal inchan as súas cifras de absentismo con permisos por maternidade, permisos familiares e pausas promovidas polas empresas. Unha información de Laura Olías para eldiario.es
Más Madrid anuncia que se presentará ás eleccións xerais do 10 de novembro, con Íñigo Errejón probablemente encabezando a súa lista. Nos vindeiros a formación decidirá se concorre noutras circunscricións e se establece algunha alianza con outros partidos, como podería ser o caso de Compromís.
Neste Día sen Coches, Lugo ensaiou a peonalización da zona da Mosqueira, que nuns meses quedará cortada ao tráfico de forma definitiva. Durante toda a mañá houbo concertos, actividades para nenos e nenas e de fomento da bicicleta
As tres enquisas publicadas esta mañá por El País, La Vanguardia e El Español prevén unha forte suba do PP, un pequeno crecemento do PSOE, o mantemento de Unidas Podemos e VOX, con leves baixadas, e un gran descenso de Ciudadanos, de novo nun escenario sen maiorías claras.
Compromiso por Galicia celebrou o seu III Congreso, que definiu a formación como "un partido galeguista, progresista e europeísta". CxG, con Juan Carlos Piñeiro Docampo como secretario xeral, proponlles ás "forzas políticas galegas, con centro de decisión en Galicia" a conformación dunha "candidatura unitaria" ás eleccións do 10N. Ademais, anuncia que vai solicitar a súa inclusión no Partido Democrático Europeo.
O BNG proporá no debate de política xeral un “pacto galego pola ciencia e a innovación” co 3% de investimento en I+D+i. A formación celebrou este sábado unhas xornadas parlamentarias sobre "o I+D+i como motor de desenvolvemento". O Bloque propón crear o Instituto de Innovación Galego, semellante ao modelo vasco IKER e blindar por lei non penalizar ás mulleres investigadoras por ser nais. Estas eran algunhas das demandas expresadas polo persoal investigador prexudicado o pasado mes de xullo polos erros da Xunta na xestión dos contratos posdoutorais.
Manifestacións multitudinarias en ducias de cidades de todo o mundo abriron a semana de mobilizacións ante a emerxencia climática, que chegará ata o venres 27. Ese día están convocadas seis manifestacións en Galicia
Burela repetirá finalmente as eleccións locais o vindeiro 17 de outubro na mesa onde foron anuladas , segundo aprobou hoxe o Consello de Ministros. O Tribunal Superior de Xustiza de Galicia (TSXG) aceptara a reclamación da formación Burela Sempre por unha irregularidade nunha das urnas do instituto O Perdouro.
En máis de 30 cidades e vilas galegas están convocadas concentracións feministas esta noite. Esta xornada de #emerxenciafeminista ou #noite violeta lembra que "máis da metade das agresións e violacións ocorren pola noite, de madrugada, cando voltamos para a casa". "Estas rúas, compañeiras, aínda non son nosas", lembra o manifesto
