O pleno da Coruña aproba a organización do Concello para o novo mandato e a creación de tres comisións especiais sobre o bordo litoral, Cidade das TIC e servizos compartidos na área metropolitana. A organización municipal recibiu o visto e prace por unanimidade agás no que atinxe ao persoal eventual, punto no que se abstivo a Marea Atlántica
Pedro Sánchez designa un equipo do PSOE para negociar con Unidas Podemos cara á investidura prevista para dentro de dúas semanas. Os socialistas presentarán un documento "base" con medidas en materia económica e social e desbotan a posibilidade dun Executivo de coalición. (Imaxe: PSOE)
Dimite a concelleira de Seguridade e Comercio de Ourense, Ana Isabel Rebanales (DO), menos de dúas semanas despois de asumir o cargo no goberno bipartito que encabeza Gonzalo Pérez Jácome xunto ao PP. Segundo sinala Democracia Ourensana, o cesamento débese a "discrepancias de estratexia profesional" sobre a "concellería que dirixía". Recólleo a edición ourensá do Faro de Vigo. Na imaxe, divulgada por DO, Rebanales -segunda pola esquerda- o día da constitución da corporación.
Acordo de goberno en Sada entre Sadamaioría, BNG e Alternativa dos Veciños. O alcalde, Benito Portela, e as voceiras do Bloque e Alternativa, Isabel Reimúndez e María Nogareda, presentan este luns o pacto que, resaltan, garante "un goberno municipal sólido e estable" neste mandato. As tres formacións suman 10 edís, un por riba da maioría absoluta.
O Resurrection Fest de Viveiro finaliza con 102.053 asistentes e deixando imaxes para a historia do festival, como a dun asistente en cadeira de rodas a 'voar' sobre o público durante un dos concertos do venres. A edición do 2020 celebrarase do 1 ao 4 de xullo (Imaxe tirada do resumo gráfico divulgado polo servizo de comunicación da organización)
Unha ducia de produtos artesáns que se poden mercar esta fin de semana en Agolada. Vinte repasa algunhas das creacións que é posible atopar en Corazón de artesanía. VIII Encontro de Artesanía Tradicional e Popular de Galicia. Celébrase toda a fin de semana no conxunto histórico dos Pendellos
O Hospital da Coruña lembra os riscos de bañarse nas balsas con residuos tóxicos do Monte Neme despois de que varias persoas compartisen fotos nas redes sociais facéndoo. En 2017 a Xunta incluíu nunha campaña turística unha fotografía dunha destas balsas, que despois retirara indicando que fora "un erro".
PSdeG e Marea Atlántica asinan o seu acordo programático na Coruña deixando “as portas abertas” a que o inicial goberno en solitario dos socialistas se converta en coalición ao longo do mandato. Plans sociais e urbanísticos son algúns dos puntos de encontro acadados polas dúas formacións.
Tras dar a coñecer hai dúas semanas o aumento de condenas, o Tribunal Supremo fixo pública este venres a sentenza íntegra de La Manada, na que fai seu o “só si é si” e establece que o consentimento sexual debe ser expreso.
A Xunta admite no DOG que o que Feijóo presentou esta semana como “novo aumento salarial” ao funcionariado galego débese ao acordo asinado hai máis dun ano a nivel estatal entre o Goberno central e os sindicatos.
