Aitor Esteban (PNV) ameaza con "contar algún día" o que o PP "ofreceu ao PNV hai dous meses" nas súas negociacións para unha posible investidura de Feijóo. "Ía ser chamativo", asegura o portavoz nacionalista, que reiterou a negativa a "facilitar un goberno que dependa dos votos de Vox".
Ás 9.00 retómase a sesión de investidura de Pedro Sánchez como presidente do Goberno. Pódese seguir aquí en directo.
Alberto Varela, alcalde de Vilagarcía polo PSOE, repite como presidente da Federación Galega de Municipios e Provincias (Fegamp) coa nova constitución da súa asemblea tras os resultados das eleccións municipais de maio.
A UE liquida en cinco minutos outro debate sobre a oficialidade do galego, o éuscaro e o catalán ao seguir pendente a avaliación legal, financeira e práctica da medida. A decisión segue adiándose á espera dos datos máis detallados sobre o seu impacto que piden os Estados comunitarios. Foto: Parlamento Europeo.
Alberto Varela, reelixido presidente da Fegamp para os vindeiros catro anos. O alcalde socialista de Vilagarcía de Arousa, Alberto Varela, repetirá no cargo tras impoñerse a maioría socialista nas entidades locais durante a XI asemblea xeral da organización.
Este mércores levouse a cabo a cuarta xornada de folga nas escolas infantís privadas e de xestión indirecta en Galicia, un paro que os sindicatos convocantes cualifican de "éxito" e que foi acompañado de mobilizacións. As traballadoras protestan polo convenio colectivo asinado por algunhas organizacións e que, denuncian, non soluciona a "precariedade" do sector, non que boa parte do persoal apenas cobra o salario mínimo. Tras a xuntanza da mesa de negociación do vindeiro 24 de novembro CIG, CCOO e SNEP valorarán a convocatoria de novas xornadas de folga.
Pedro Sánchez anuncia a gratuidade do transporte público para menores e persoas paradas e a extensión da baixada do IVE aos alimentos ata o vindeiro mes de xuño. Tamén anunciou un novo estatuto dos traballadores e a redución da xornada laboral. Pode seguir aquí a primeira xornada da súa sesión de investidura.
Comeza a primeira xornada da sesión de investidura de Pedro Sánchez no Congreso dos Deputados. Pódese seguir aquí
Ás 12 do mediodía comeza o pleno de investidura de Pedro Sánchez como presidente do Goberno de España, para o que ten apalabrados 179 votos, 3 máis dos necesarios e 7 máis dos que logrou Feijóo en setembro. Pola tarde comezarán as intervencións dos grupos parlamentarios e as réplicas e a votación está prevista contra o mediodía do xoves. A sesión pode seguirse en directo na web do Congreso.
Democracia Ourensana, o partido de Gonzalo Pérez Jácome, presentará como candidato nas eleccións galegas a Armando Ojea, tenente de alcalde e home de confianza do rexedor ourensán. Na imaxe, de DO, Ojea, á dereita, con Jácome, á esquerda.
