A Axencia Europea do Medicamento (EMA) autoriza a administración da vacina de AstraZeneca dende os 18 anos e sen límite de idade. Nos ultimos días expertos alemáns recomendaran non aplicala ás persoas maiores de 65 anos polo escaso número de participantes destas idades nos ensaios clínicos. A EMA recoñece que "a maioría dos participantes nos estudos tiñan entre 18 e 55 anos", pero espera que tamén noutros grupos de idade a vacina sexa eficaz e agarda máis información dos estudos actualmente en curso. Agora a Comisión Europea debe autorizar a súa comercialización, unha decisión que podería ser adoptada esta mesma tarde.
![](https://praza.gal/media/cache/live_image/uploads/la-vacuna-de-oxford-astrazeneca-consigue-una-eficacia-del-70-4-7b03a7d.jpeg)